අර්ජුන් ඇලෝසියස්ගෙන් මුදල් ලබා නොගත් බවට දිවුරුම් ප්‍රකාශයක් ලබාදීමට සුදානම් බව පවසන දුෂණ වංචාවන්ට එරෙහිව සටන් වඳින එක්සත් ජාතික පක්ෂ ප්‍රබල අමාත්‍යවරයෙකු ඒ සඳහා කොන්දේසියක් ඉදිරිපත් කර තිබේ.
තමන් සේම පසුගිය රාජපක්ෂ පාලනයේ වංචා දුෂණ වලට සම්බන්ධ යැයි චෝදනා එල්ල වී ඇති පුද්ගලයින්ද දිවුරුම් ප්‍රකාශ ලබා දිය යුතු බව රන්ජන් රාමනායක අමාත්‍යවරයා ප්‍රකාශ කරයි.
“මමත් දිවුරුම් ප්‍රකාශයක් දෙන්න ලෑස්තියි හැබැයි එක පොරෙන්දුවක් පිට. අර හොරු ටිකත් දෙන්න ඕන දිවුරුම් ප්‍රකාශ හෙජින් ගිවිසුමෙන් කීයක්වත් ගැහුවේ නැහැ, නොරොච්චෝල තාප බලාගාරයෙන් වංචා කළේ නැහැ, ක්‍රිෂ් එකෙන් සල්ලි ගත්තෙ නැහැ කියල නාමල් රාජපක්ෂ දිවුරුම් ප්‍රකාශයක් දෙන්න ඕනෙ, මහින්ද රාජපක්ෂ මහත්තයා දිවුරුම් ප්‍රකාශයක් දෙන්න ඕනෙ සුනාමි එකෙන් සල්ලි නැහැයි කියලා.” යි අමාත්‍යවරයා මාධ්‍ය වෙත කියා සිටියේය.
දිවුරුම් ප්‍රකාශ ලබා දීමේ සංස්කෘතිය ඉතාමත් යහපත් දෙයක් බව කී රන්ජන් රාමනායක අමාත්‍යවරයා තමන් එයට ඕනෑම අවස්ථාවක සුදානම් බව ද වැඩි දුරටත් අවධාරණය කළේය.
Facebook Comments
