UNP ජන්දයෙන් බලයට ආ ජනපති රනිල් එලවන්න පිට පොට ගහයි

0
1354
Ivory Agency Sri Lanka
HailHost
wedding people

එක්සත් ජාතික පක්ෂය ඇතුළු සුළු ජාතීන්ගේ ජන්දයෙන් 2015 වසරේදී බලයට පැමිණි ජනාධිපති මෛත්‍රීපාල සිරිසේන අගමැතිවරයා ධුරයෙන් ඉවත් කිරිම සඳහා නීතිපතිවරයාගේ හා නීති විශාරදයන්ගේ උපදෙස් ලබා ගනිමින් සිටින බවට යහපාලන විරෝධි ඒකාබද්ධ විපක්ෂයේ මන්ත්‍රීවරයෙකු පවසයි.

එක්සත් ජනතා නිදහස් සන්ධාන ආණ්ඩුවක් පිහිටුවීම සම්බන්ධයෙන් ඒකාබද්ධ විපක්ෂය 16 සිකුරාදා ජනාධිපතිවරයා සමග පැවැත්වු සාකච්ඡාවෙන් අනතුරුව මාධ්‍යවේදීන් අමතමින් මන්ත්‍රී කුමාර වෙල්ගම මේ බව කියා සිටියේය.

ශ්‍රී ලංකා නිදහස් පක්ෂය ප්‍රමුඛ නිදහස් සන්ධාන ආණ්ඩුවක් නිර්මාණය කරන්නේ නම් ඒකාබද්ධ විපක්ෂයේ ඇමැති ධුර බාර ගත යුතු බව ජනාධිපතිවරයාගේ අදහස් බව කී මන්ත්‍රීවරයා “මොකද එතුමා කියන්නේ එතකොට රටට අසමගිය පේනවා. ඒක නිසා මේක හරියාකාරව යනවා නම් අපි ඔක්කොම ඇමැතිකම් භාර ගන්න ඕන කියන එක” යැයි සඳහන් කළේය.

ආණ්ඩුව ගෙන යාමට සහයෝගය ලබා දෙන අතර කිසිදු තනතුරක්, ඇමැතිකමක් භාර නොගන්නා බව ඒකාබද්ධ විපක්ෂය ජනාධිපතිවරයාට පවසා තිබේ.

එක්සත් ජාතික පක්ෂයෙ නොවන අගමැතිවරයෙකු යටතේ ආණ්ඩුවක් පිහිටු වීමට සිය සහයෝගය ලබා දෙන බවට ඒකාබද්ධ විපක්ෂ මන්ත්‍රීවරුන් ජනපති හට දන්වා ඇති අතර ඒකාබද්ධ විපක්ෂය ලෙස සිය අනන්‍යතාවය ආරක්ෂා කරගනිමින් ඡන්දය ලබා දුන් ජනතාව ආරක්ෂා කරමින් සියලු කටයුතු සිදු කරන බව ද දන්වා ඇත.

සාකච්ඡාව සදහා ඒකාබද්ධ විපක්ෂය නියෝජනය කරමින් පාර්ලිමේන්තු මන්ත්‍රීවරුන් වන දිනේෂ් ගුනවර්ධන, වාසුදේව නානායක්කාර, විමල් වීරවංශ, කුමාර වෙල්ල, උදය ගම්මන්පිල, පවිත්‍රා වන්නිආරච්චි, ඇතුලු පිරිසක් සහභාගි වී තිබේ.

මේ අතර ජනාධිපතිවරයා හට අගමැතිවරයා ඉවත් කිරිමේ බලතල ඇද්ද යන්න සොය ශ්‍රේෂ්ඨාධිකරණයේ මතය විමසීමට සිවිල් ක්‍රීයාකාරින් පිරිසක් සුදානම් වන බව මාධ්‍ය වාර්තා කර තිබුණි.

Facebook Comments

HailHost