යහපාලන රජය පළාත් පාලන මැතිවරණයෙන් ලද පරාජය සමඟ අගමැතිවරයා සිය ධුරයෙන් ඉවත් විය යුතු බවට තර්ක කරන්නේ නම් ඊට පෙර ජනාධිපතිවරයා ධුරයෙන් ඉල්ලා අස්විය යුතු බව යහපාලන රජය බිහි කිරිමට වෙහෙසුන ගත් කතුවරයෙකු පවසයි.
“දිනාගත් ගත්ත පළාත් පාලන ආයතන ප්‍රමාණය ගත්තත් ජන්ද ප්‍රමාණය ගත්තත් අගමැතිවරයාගේ පක්ෂය ජනාධිපතිට වඩා ඉදිරියෙන් කවුරු හරි තර්ක කරනවා නමි පරාජය වුන නිසා අගමැති අයින් වෙන්න ඕන කියලා ඊට කලින් ජනාධිපතිවරයා අයින් වෙන්න ඕනෙ”
එනමුත් එය පිළිගත හැකි තර්කයක් නොවන බව පුරවැසි බලය සංවිධානයේ කැඳවුම්කාර ගාමිණි වියන්ගොඩ සිලෝන් ජර්නල්ස් හා දුරකතනය ඔස්සේ සම්බන්ධ වෙමින් ප්‍රකාශ කළේය.
මැතිවරණයෙන් පසු රජයේ ඇතිව තිබෙන ව්‍යාකූල තත්ත්වය පිලිබඳව බරපතල ලෙස කලකිරි සිටින බව කී කතුවරයා එය සිදු නොවිය යුතු දෙයක් බව මෙන්ම පැවතියේ ජනපති හෝ අගමැති තෝරන ජන්දයක් නොවන බවද සිහිපත් කර දුනි.
“අපේ රටේ මැතිවරණ ක්‍රම 4 තියෙනවා පාර්ලිමේන්තු මැතිවරණයෙන් අගමැති සහ මැති ඇමැති තෝරනවා, පළාත් සභා ජන්දෙන් පළාත් සභා මන්ත්‍රීවරු තෝරනවා මේ තිබ්බේ පළාත් සභා ජන්දයක් ජනපති අගමැති හෝ ආණ්ඩුව හදන ජනදයක් නෙමේ” යැයි පුරවැසි බලයේ ගාමිණි වියන්ගොඩ පෙන්වා දෙයි.
අනතුරුක් නෙමේ සංඥාවක්
කෙසේ වෙතත් ජනතාවගේ විවේචනය පිළිගත යුතු බවත් මැතිවරණ ප්‍රතිඵලයෙන් යහපාලන රජය අනතුරුට පත්වුවා නොව ජනතාව අනතුරු සංඥාවක් ලබා දී ඇති බවයි ගාමිණි වියන්ගොඩ පවසන්නේ.
“අනතුරුට පත් වෙනවයි අනතුරු සංඥාවයි කියන්නෙ දෙකක් මේ වෙනස ආණ්ඩුව තේරුම් අරන් අනතුරු පිළිබඳව තේරුම් ගෙන ඉදිරියට යන්න අවශ්‍යයි”
“රෝඩ් මැප් එක”
ඉදිරියේදී විධායක ජනාධිපති ධුරය අවසන් කිරීමට පෙරමුණ ගන්නා බව කී පුරවැසි බලය සංවිධානයේ ගාමිණි වියන්ගොඩ “අපේ රෝඩ් මැප් එක වෙන්නෙ විධායක ජනාධිපති ක්‍රමය අවසන් කිරිම” බව සඳහන් කල අතර සිවිල් සංවිධාන වලට අමතරව ඇතැම් දේශපාලන පක්ෂ ද ඒ සඳහා සහාය දීමට කැමැත්ත පල කර ඇති බව කියා සිටියේය.
ආණ්ඩුවේ ඇතිව තිබෙන තත්ත්වය නව ව්‍යවස්ථාවක් ගෙන ඒමට බාධාවක් නොවේ දැයි සිලෝන් ජර්නල්ස් කල ප්‍රශ්න කිරිමේදී ඒ පිළිබඳව යමක් කීමට තවමත් කල වැඩි බව මෙන්ම එය තීරණය වන්නේ ආණ්ඩුවේ නායකයන් ඒ සඳහා දෙන නායකත්වය මත බව ගාමිණි වියන්ගොඩ කතුවරයා වැඩි දුරටත් ප්‍රකාශ කළේය.
Facebook Comments
