ශ්‍රී ලංකාවේ භූගෝලිය පිහිටිමෙන් ප්‍රයෝජනයක් ගනු ලබන්නෙ මත්ද්‍රව්‍ය ජාවාරම්කරුවන් පමණක් බවට කතානායකවරයා දොස් නඟා තිබේ.
එබැවින් ඒ පිළිබඳව විශේෂ සැලකිල්ලක් දැක්විය යුතු බව කතානායක කරූ ජයසුරිය ගම්පහ පැවති උත්සවයකදී අවධාරණය කළේය.
උගත් තරුණ පිරිස් මෙන්ම ව්‍යාපාරිකයින් ද අනාගතය පිළිබවද විශ්වසායක් නොමැති කම මත රට හැර යන බවද කතානායකවරයා පෙන්වා දුන්නේය.
” අද වනවිට උගත් තරුණ පිරිස් මෙන්ම ව්‍යාපාරිකයින් ඉදිරිය ගැන විශ්වාසයක් නොමැති කම මත රට හැර යන තත්ත්වයකට පත්ව තිබෙනවා. මේ සම්බන්ධයෙන් අපි කල්පනා කොට අවශ්‍ය තීරණ ගත යුතුයි.”
නව නිපැයුම් වලින් පෙරට එන දක්ෂ තරුණ තරුණියන්ට සහ රටේ දක්ෂ ව්‍යාපාරිකයින් හට අවශ්‍ය පහසුකම් සපයා දෙමින් රටට වැඩදායක ලෙසින් යොදවා ගත යුතු යැයි ද කතානායකවරයා වැඩි දුරටත් ප්‍රකාශ කර තිබේ.
Facebook Comments
