පළාත් නමයටම විග්නේස්වරන් ස්වයංපාලනයක් යෝජනා කරයි

0
942
Ivory Agency Sri Lanka
wedding people
Loading...

එක්සත් ලංකාවක් තුල උතුරු නැගෙනහිර ජීවත්වන දෙමල කතා කරන ජනතාවට ස්වයං තීරණ අයිතිය ලබා දෙන ලෙස ඉල්ලා සිටින උතුරු පලාත් මහ ඇමැතිවරයා එයට බාධා ඇති වුවහොත් පළාත් නමයෙහිම ස්වයං පාලනය ස්ථාපිත කරන ලෙස ජනපතිගෙන් ඉල්ලා තිබේ.

“උතුරු නැගෙනහිර ජීවත්වන දෙමළ කතා කරන ජනතාවට එක්සත් ලංකාවක් තුල ස්වයංතීරණයට ඇති අයිතිය, තමන් ගැන තමන්ම තීරණය ගෙන පාලනය කිරීමේ අයිතිය ඔබතුමා පිළිගන්න ඕනේ, ඒ පියවර නිසා ඔබතුමාට දේශපාලන වශයෙන් ප්‍රශ්න වලට මුහුණ දෙන්න සිදුවුනොත් පළාත් නමයටම ස්වයංපාලනයේ අයිතිය ලබා දෙන්න. අවශ්‍ය උනොත්, පළාත් වලට එක්වීමේ අයිතියත් ලබා දෙන්න,” යි මහ ඇමැති සී වී විග්නේස්වරන් යෝජනා කළේය.

කිලිනොච්චි මධ්‍ය මහා විද්‍යාලයීය ක්‍රීඩාංගණයේ 08 සඳුදා පැවති “දරුවන් සුරකිමු” ජාතික වැඩසටහනේ කිලිනොච්චි දිස්ත්‍රික් සමුළුවේදී ජනාධිපති මෛත්‍රීපාල සිරිසේනගෙන් මහ ඇමැතිවරයා මෙම ඉල්ලීම සිදු කරන ලදී.

රජය විසින් සුළු ජන කොටස් අතර ගැටුම් ඇති කිරීමට වැඩපිළිවෙලක් ගෙන යන බවට චෝදනා කල මහ ඇමැති විග්නේස්වරන් එය වහාම අත්හිටුවා හින්දු ඉස්ලාම් ආගම්වලට අයත් සහෝදර ජනතාවට එකමුතුව ජීවත් වීමට අවස්ථාව සලසා දෙන ලෙස ආයාචනය කර සිටියේය.

යුක්ති සහගත නොවේ

හමුදාව විසින් තවදුරටත් දෙමළ ජනයාගේ ඉඩම් බලහත්කාරයෙන් අල්ලා ගෙන සිටිම යුක්ති සහගත නොව බවද මහ ඇමැතිවරයා මෙහිදී අවධාරණය කළේය.

“හමුදාව අත්පත් කරගෙන ඉන්න ජනතාවගේ ඉඩම් තවම නිදහස් කරන්නේ නැතිව ඉන්නවා. ඔවුන් එම ඉඩම් දිගින් දිගටම තමාගේ පාලනය යටතේ තියාගෙන ඉන්න එක හරි වැඩක් නෙවෙයි. ඒක තියා ගැනීම කිසිසේත් යුක්ති සහගත කරන්න බැහැ. දිගින් දිගටම හමුදාව යටතේ තිබ්බොත් එහෙම ඉතුරු වෙන්නේ කරුවල තමයි.”

යාපනය, කිලිනොච්චි හා මුලතිව් දිස්ති‍්‍රක්කවල යුද හමුදාව වාඩිලාගෙන සිටි ඉඩම් අක්කර 120.89 ක් නැවත එම ජනතාව වෙත නිදහස් කිරීම ද “දරුවන් සුරකිමු” ජාතික වැඩසටහනේ කිලිනොච්චි දිස්ති‍්‍රක් සමුළුවේදී ජනාධිපතිතුමා අතින් සිදු කෙරුනු බව ප්‍රකාශ කෙරුනි.

Facebook Comments

Loading...