“අද ඉඳලා නල ජලය බොනවා නම් කරුණාකර පරිස්සම් වෙන්න”

පානීය ජලය පිරිසිදු කිරීම සඳහා ජල සම්පාදන මණ්ඩලය විසින් පිටරටින් ගෙන්වන ලද ප්‍රමිතිය ඉක්මවූ ලෝහයක් අඩංගු හිරිගල් කන්ටේනර් 25 ක් දැනටමත් ජල පවිත්‍රාගාරවලට යැවීම නිසා නල ජලයෙන් පිළිකාව වැළඳීමේ අවදානමක් ඇති බවට විපක්ෂයේ මන්ත්‍රීවරයෙක් අනතුරු අඟවයි.

ශ්‍රී ලංකා පොදු ජන පෙරමුණේ ඩී.වී චානක මන්ත්‍රීවරයා පෙබරවාරි 6 වැනිදා පාර්ලිමේන්තුව හමුවේ කියා සිටියේ එම හුණුගල් තුළ අවශ්‍ය ප්‍රමාණයට වඩා බැර ලෝහ පවතින බව විද්‍යාත්මකව තහවුරු කර ඇති බවයි.

“ලංකාවට කන්ටේනර් 27 ක් ඇවිල්ලා තියනවා. ක්‍රෝමියම්. 550 ක් ඇවිල්ලා තියනවා ලයිම්. මේ ලයිම් ලංකාවට එනකොටම මෙහේ කණ්ඩායමක් ගිහිල්ලා ඒක ටෙස්ට් කරලා තියනවා. ටෙස්ට් කරලා තියෙද්දී, ඊට පස්සේ ලංකාවට ඇවිල්ලා ලංකාවේ ලැබ් එකේ ටෙස්ට් කරනවා. ලැබ් එකේ ටෙස්ට් කරාම වාර්තා වෙනවා මේ ලයිම් වල ක්‍රොමියම් කන්ටෙන්ට් එක තියනවා 14 ක්. ඒ කියන්නේ පිළිකා හැදෙන්න පුළුවන් ලෙවල් ඒකේ ක්‍රොමියම් කන්ටෙන්ට් එකක් තියනවා මේ ලයිම් වල.”

ශ්‍රී ලංකාව තුළට එම ප්‍රමිතිය ඉක්මවූ හුණුගල් තොගය ගෙන්වීමට පෙර විදේශය තුලදීම එය පරීක්ෂාවට ලක් කර තිබියදීත් එය රට තුලට ගෙන ආවේ කෙසේදැයි විපක්ෂයේ මන්ත්‍රීවරයා පාර්ලිමේන්තුවේදී ප්‍රශ්න කළේය.

“මොකක්ද කරන්නේ? පළවෙනි ප්‍රශ්නය අපිට තියන, මේක කොහාමද ලංකාවට ආවේ. මොකද කණ්ඩායමක් ඒ රටට ගියානම් එහෙදී ක්‍රොමියම් කන්ටෙන්ට් එක චෙක් කරානම් කොහොමද මිලි ග්රෑම් 14 ක් තියන ක්‍රොමියම් ලංකාවට ආවේ. මේක පළවෙනි ප්‍රශ්නේ?”

ඩී.වී චානක පාර්ලිමේන්තු මන්ත්‍රීවරයා තව දුරටත් පෙන්වා දුන්නේ රට තුලට පැමිණි ප්‍රමිතිය ඉක්මවූ පිළිකාකාරක ලෝහයක් අඩංගු හුණුගල් තොගය ආපිට ඒ රටට යැවිම සාමාන්‍ය ක්‍රම වේදය වන නමුත් එහි ප්‍රමිතිය වෙනස් කිරීමේ උත්සාහයක් මෙරට තුලදී ක්‍රියාවට නංවා ඇති බවයි.

“දෙවැනි ප්‍රශ්නය තමයි මේක ලංකාවට එනවා, මේක ලංකාවට ආවයින් පස්සේ අපේ ලැබ් එකේ චෙක් කරාම මිලි ග්රෑම් 14 ක් එනවා. 14 ක් ආපු ගමන් කිලෝ එකකට තියන, මොකක්ද කරන්නේ වොටර් බෝඩ් එකෙන් මේක ප්‍රයිවට් ලැබි එකකට යවනවා. මේක දැන් හරිනම් කරන්න ඕන මේක 14 නම් එවෙලෙම රී එක්ස්පෝට් කරලා යවන්න ඕන. හැබැයි මේක ප්‍රයිවට් ලැබි එකකට යවනවා. මේ ප්‍රයිවට් ලැබි එකකට ගියාම මේකෙත් තියෙන්නේ මිලි ග්රෑම් 14 ක්. ඊට පස්සේ මොකක්ද කරන්නේ වොටර් බෝඩ් එකෙන් යවනවා එස්.එල්.එස් වලට යවනවා ස්ටැන්ඩට් වෙනස් කරන්න කියලා. මේකේ ස්ටැන්ඩට් වෙනස් කරලා අප් කරන්න කියලා යවනවා. මේවා කාගේ උවමනාවටද වෙන්නේ. ”

රටේ ජනතාවගේ ජීවිත අවදානමට හෙළමින් මෙවැනි උත්සාහයක් ක්‍රියාවට නංවන ලද්දේ කාගේ උවමනාවටදැයි මන්ත්‍රීවරයා එහිදී වත්මන් රජයෙන් දැඩිව ප්‍රශ්න කළේය.

“ලංකාවේ මිනිස්සුන්ට පිළිකා හදන්න, ලංකාවේ මිනිස්සුන්ට කිඩ්නි ඩිසිසස් හදන්න, ලෝකේ තියන මේ කිලෝ ග්රෑම් එකකට මිලි ග්රෑම් 10ක්. මේක වෙනස් කරන්න උවමනාව තිබ්බේ කාටද කියලා අපි අහන්න කැමතියි.”

පානීය ජලය පිරිසිදු කිරීම සඳහා පිටරටින් ගෙන්වන ලද ප්‍රමිතිය ඉක්මවූ පිළිකාකාරක ලෝහයක් අඩංගු හුණුගල් තොගය දැනටමත් යොමු කර ඇති ජල පවිත්‍රාගාර ද විපක්ෂ මන්ත්‍රී ඩී වී චානක එහිදී හෙලි කළේය.

“ඒ වගේම තමයි මේක පුනරුදයේ ආණ්ඩුවනම්, ක්ලීන් ශ්‍රී ලංකානම් ලංකාවට වස කවන්න ජලයට, මේ වෙන්දී, මේ වෙන්දීත්, ගරු සභාපතිතුමිය මේ කන්ටේනර් 25 ගිහිල්ලා තියනවා රත්මලානට. රත්මලානේ ප්ලාන්ට් එකේ ටිකක් තියනවා. ගාල්ලේ ප්ලාන්ට් එකේ ටිකක් තියනවා. අඹතලේ ප්ලාන්ට් එකේ ටිකක් තියනවා. මේ ජලය පාවිච්ච් කරන හැම කෙනාටම කැන්සර් ඇතිවීමේ අවධානමක් තියනවා. අද ඉදන් නළ ජලය බොනවානම් කරුණාකර පරිස්සම් වෙන්න.”

විපක්ෂ මන්ත්‍රීවරයාගේ ප්‍රශ්න කිරීම් හමුවේ හිටපු කතානායක, පාර්ලිමේන්තු මන්ත්‍රී අශෝක සපුමල් රන්වල කියා සිටියේ මන්ත්‍රීවරයා හෙලි කරන බරපතල තත්වය සම්බන්ධයෙන් සොයා බැලිය යුතු බවයි.

“ලයිම් කියන්නේ ඒකේ අදාල ප්‍රධාන මුලාශ්‍රය බවට පත් වෙන්නේ හුණුගල්. හැබැයි සී.වී චානක ගරු මන්ත්‍රීතුමා ඉදිරිපත් කරපු කාරණයේදී ඒ ලයිම් වලට බැර ලෝහ එකතුවෙලා තියනවා කියලා වාර්තා වලින් ඉදිරිපත් කරනවා. එහෙමනම් බරපතල තත්වයක් ඒක. ඒ සම්බන්ධව සොයා බලන්න ඕන.”

වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්‍ය වසන්ත සමරසිංහ පාර්ලිමේන්තුව හමුවේ කියා සිටියේ විදේශයෙන් ගෙන්වල ලද එම හුණුගල් කිලෝවක පවතින බැරලෝහ ප්‍රතිශතය 14 ක් නොව 12 ක් බවයි.