යුරෝපා සංගමයේ විරෝධය අගමැතිට පැරදුනු බව සුව ඇමැති කියයි

0
717
wedding people

ආයුධ වෙළෙදාම මෙන් ඖෂධ වෙළෙදාමත් මාෆියාවක් බව පවසන සුව ඇමැති ඖෂධ මිල නියාමනය කිරීමත් සමග යුරෝපා සංගමයේ තානාපතිවරුන්ගෙන් බලපෑම් එල්ල වු බව කියා සිටි.

තානාපතිවරුන් අගමැතිවරයා හමුවී මිල නියාමනය පිළිබඳව තර්ක විතර්ක සිදු කලද අවසානයේ ඔවුන් මිල නියාමනය යථාර්තවාදී ලෙස සිදු කර ඇති බව පිළිගත් බවයි සෞඛ්‍ය,පෝෂණ හා දේශීය වෛද්‍ය වෛද්‍ය අමාත්‍ය දොස්තර රාජිත සේනාරත්න පවසන්නේ.

“අත්‍යාවශ්‍ය ඖෂධ වර්ග 48 ක මිල නියාමනය කිරීමත් සමග යුරෝපා සංගමයේ තානාපතිවරු මට බලපෑම් එල්ල කළා. අග්‍රාමාත්‍යවරයා හමු වුනා. ඔවුන් සමග තර්ත විතර්ක කළා. නමුත් අවසානයේ ඔවුන් පිළීගත්තා මිල නියාමනය යථාර්තවාදී ලෙස සිදු කර ඇති බව.” ඇමැතිවරයා 10 සඳුදා පැවති රාජ්‍ය ඖෂධ නීතිගත සංස්ථාව සංවිධානය කළ මහාචාර්ය සේනක බිබිලේ ගුණ සමරු උත්සවයේ දී කියා සිටියේය.

ඖෂධ මිල නියාමනයට පියවර ගත් අවස්ථාවේ දී බලපෑම් එල්ල වු බව පවසන අමාත්‍ය රාජිත සේනාරත්න තම දේශපාලන ගමන විනාශ කරන බවට තර්ජන එල්ල වු බවද ප්‍රකාශ කළේය.

ඉදිරි වසර තුල ඖෂධ ආනයනය අඩු කිරිමට පියවර ගන්නා බවත් ඉන් විශාල මුදලක් රටට ඉතිරි වන බවයි සෞඛ්‍ය,පෝෂණ හා දේශීය වෛද්‍ය වෛද්‍ය අමාත්‍ය දොස්තර රාජිත සේනාරත්න වැඩි දුරටත් පෙන්වා දෙන්නේ.

Facebook Comments