ගල් අඟුරු පෙත්සම විභාගයට

0

ස්විස් සිංගප්පූරු ඕවර්සීස් සමාගමට ලබා දුන් ගල්අඟුරු ටෙන්ඩරය අවලංගු කරන ලෙස ඉල්ලා ගොණු කළ පෙත්සම විභාගයට ගැනීමට ශ්‍රේෂ්ඨාධිකරණය ඊයේ (14) තීරණය කළේය.

විදුලිබල හා බලශක්ති ඇමැතිවරයා විසින් කැබිනට් මණ්ඩලය වෙත ලබා දී ඇති, නිවැරැදි නොවන තොරතුරු මත මෙම ටෙන්ඩරය අනුමත කළහොත් තමා ඇතුළුව සාමාන්‍ය ජනතාවගේ, මූලික අයිතිවාසිකම් කඩවීම මඟින් අගතියක් සිදු වන බවත් පවසමින් සත්හඬ පුවත්පතෙහි නියෝජ්‍ය කර්තෘ සුභාෂ් ජයවර්ධන විසින් මෙම පෙත්සම ගොණු කරන ලදී.

පෙත්සමේ කරුණු සලාකා බැලු අගවිනිසුරු ශ්‍රීපවන් ඇතුළු විනිසුරු මඩුල්ල නොවැම්බර් 16 වන දින මෙම පෙත්සම විභාගයට ගැනීමට තීරණය කළේය.

මෙහිදී වගඋත්තරකාර පාර්ශ්ව ලෙස ජනාධිපති මෛත්‍රීපාල සිරිසේන, අගමැති රනිල් වික්‍රමසිංහ, විදුලිබල හා පුනර්ජනනීය බලශක්ති ඇමැති රංජිත් සියඹලාපිටිය ඇතුළු කැබිනට් මණ්ඩලය, විදුලිබල අමාත්‍යාංශයේ ලේකම් ආචාර්ය සුරේන් බටගොඩ, ලංකා කෝල් සමාගම සහ එකී සමාගමේ සභාපති මෛත්‍රී ගුණරත්න ඇතුළු අධ්‍යක්ෂ මණ්ඩලය, ස්විස් සිංගප්පූරු ඕවර්සීස් සමාගම, කැබිනට් මණ්ඩලය විසින් පත් කළ ප්‍රසම්පාදන කමිටුවේ සභාපති ජී. එස්. විතානගේ, රාජ්‍ය ප්‍රතිපත්ති දෙපාර්තමේන්තුවේ අතිරේක අධ්‍යක්ෂ ඒ. කේ. සෙනෙවිරත්න, ශ්‍රී ලංකා ගුවන් හමුදාවේ මූල්‍ය අධ්‍යක්ෂ ජී. ආර්. එල්. වසන්ත, විදුලිබල අමාත්‍යාංශයේ අතිරේක ලේකම් එස්. ඒ. එන්. සරණතිස්ස, විදුලිබල මණ්ඩලයේ සාමාන්‍යාධිකාරී එම්.කේ.සී. වික්‍රමසේකර, කැබිනට් මණ්ඩලයේ ලේකම් සුමිත් අබේසිංහ, නොබෙල් රිසෝසර්ස් සමාගම හා නීතිපතිවරයා නම් කර ඇත.

පෙත්සම්කරු වෙනුවෙන් හිටපු අතිරේක සොලිස්ටර් ජනරාල් රියර් අද්මිරාල් නීතිඥ ශවේන්ද්‍ර ප්‍රනාන්දු පෙනී සිටියේය.

Facebook Comments

wedding people