මෙදා සැරේ මහා ඡන්දෙන් කැලෑ සතුන්ටත් හානි

0

ගෝඨාභය රාජපක්ෂ පාලනය යටතේ පවත්වනු ලබන පළමු මහ මැතිවරණය වනාන්තර වල සිටින සතුන්ටත් හානිදායක වන තත්ත්වයක් බවට පත්ව ඇති බවට පරිසර සංවිධානයක් විසින් හෙළි කර තිබේ.

මහ මැතිවරණ ප්‍රචාරක රැස්වීම් පැවැත්වීමට නියමිත ස්ථාන අසල ඇති මී වද සහ බඹර කූඩු ඉවත් කිරීමට පොලිසිය කර ඇති ඉල්ලීමට දැඩි විරෝධයක් දක්වන පරිසර යුක්ති කේන්ද්‍රය මැතිවරණ කොමසාරිස්වරයා මැදිහත්වී වහාම එය නැවැත්විය යුතු බව අවධාරණය කරයි.

“පාර්ලිමේන්තු මැතිවරණය රැස්වීම් පවත්වන්න ඕන තරම් මහජනතාව ගැවසෙන තැන් තිබියදී ගල් ලෙන් තියෙන විහාර හා වනාන්තර ආශ්‍රිතව මෙවැනි දේ නොකර සිටියා නම් මේ සතුන්ට නිදහසේ තමන්ගේ ජිවකාව කරගෙන යන්න තිබුනා. වනාන්තර වල ඉන්න සතුන්ටත් මේ මැතිවරණය පත්වෙලා තියෙනවා. විශේෂයෙන්ම මෙය මැතිවරණ කොමසාරිස්වරයා එම කොමිසම ඉදිරිපත් වෙලා නතර කළ යුතු කාර්යක් විදයට අපි දකිනවා.” යි එහි විධායක අධ්‍යක්ෂ හේමන්ත විතානගේ මාධ්‍ය වෙත පවසා ඇත.

වියළි කාලගුණ තත්ත්වයකදී මී මැස්සන් හා බඹරුන් මල් හා පරාග සොයා ගැනීම අපහසු බැවින් ඔවුන්ගේ වාසස්ථාන වෙනස් කිරීම විශාල විනාශයක් බවයි හෙතෙම පෙන්වා දෙන්නේ.

මෙය පරිසර හානියක් හා සතුව ඝාතනයක් බවටයි පරිසර යුක්ති කේන්ද්‍රයේ විධායක අධ්‍යක්ෂ හේමන්ත විතානගේ වැඩි දුරටත් චෝදනා කරන්නේ.

Facebook Comments