ලෝක ප්‍රජාතන්ත්‍රවාදයේ ආරම්භය අම්මාවරුන්ගේ මුලිකත්වයෙන් සිදුවු බව මුල් පෙලේ වාමාංශික නායකයකු ප්‍රකාශ කර තිබේ.
මනුෂ්‍ය ඉතිහාසය ආරම්භ සිදුවන්නේම ප්‍රජාතන්ත්‍රවාදය තුලින් බවයි නව සම සමාජ පක්ෂයේ නායක ආචාර්ය වික්‍රමබාහු කරුණාරත්න පෙන්වා දෙන්නේ.
“වෙන සත්තු වගේ නෙමෙයි මනුෂ්‍ය ය්ා ආරම්භ කරන කොටම රැලක් හැටියට එහෙම නැතිනම් කොට්ඨාසයක් හැටියට, රංචුවක් හැටියට තමයි ක්‍රියාත්මක වෙන්න පටන් ගන්තේ. ඒ රංචුවේ නායකත්වය ගත්තේ අම්මාවරු, කාන්තාවන් මොකද අපි දන්නෙ නෑනේ තාත්තා කවුද කියලා. අම්මා කවුද කියලා දන්නවා ඒනිසා අම්මට යටත් වෙන්න අපිට පුරුද්ද තියෙනවා ඒනිසා අම්මාවරුන්ගේ බලයට හසුවුන යාන්ත්‍රණය තමයි අපි ගොඩනැගුනේ.”
ඉන් පසුව ප්‍රජාතන්ත්‍රවාදී රාමුව බිද දමමින් ඒකාධිපතිත්වය බිහිවු බව පසුගියදා සිවිල් සමාජ සංවිධාන විසින් සංවිධානය කරන ලද මහජන සම්මන්ත්‍රණයක් අමතමින් නසසප නායකයා පෙන්වා දුන්නේය.
මෙරට තුල පවා ප්‍රජාතන්ත්‍රවාදය ඇතිවුයේ සිවිල් සමාජ ක්‍රියාකාර්ත්වය හරහා ගොඩනැගුන සටන් තුලින් බව නව සම සමාජ පක්ෂයේ නායක ආචාර්ය වික්‍රමබාහු කරුණාරත්න වැඩි දුරටත් කියා සිටියේය
Facebook Comments
