රට පුරාම අට දහසකට වැඩි ළමා අපයෝජන

ජාතික ළමා ආරක්ෂක අධිකාරියට 2017 වර්ෂයේ ජනවාරි මස පළමු වැනිදා සිට දෙසැම්බර් මස අට වැනිදා දක්වා ළමා අපයෝජන පිළිබඳ පැමිණිලි 8548ක් වාර්තා වී තිබෙන බව එම අධිකාරිය පවසයි.

මින් බොහොමයක් පැමිණිලි වාර්තා වී ඇත්තේ ළමයින්ව කෘරත්වයට පත්කිරීම සම්බන්ධයෙන් වන අතර එම සංඛ්‍යාව 2037කි.

අනිවාර්ය අධ්‍යාපනය ලබානොදීම සම්බන්ධ පැමිණිලි 1298ක් වාර්තා වී ඇති අතර ලිංගික අතවර කිරීම පිළිබඳ පැමිණිලි 481ක්ද, බරපතල ලිංගික අපයෝජන 284ක්ද, වයසඅවුරුදු 18ට අඩු ස්ත්‍රී දූෂණ පිළිබඳ පැමිණිලි
322ක්ද, වාර්තා වී ඇත.

ළමා හා යෞවන ආඥා පනතට අනුව ළමුන් නොසළකා හැරීමටඅදාළ පැමිණිලි 358ක් වාර්තා වී ඇති බව පවසන ජාතික ළමා ආරක්ෂක අධිකාරිය ළමා ශ්‍රමිකත්වට අදාළ පැමිණිලි වාර්තා වී ඇති සංඛ්‍යාව246කි. කායික, මානසික, ලිංගික හා
නොකසලා හැරීම ආදී වශයෙන් වන සිව්වැදෑරුම් අපයෝජන පිළිබඳ පැමිණිලි මෙලෙස වාර්තා වී තිබේ.

වැඩිපුරම ළමා අපයෝජන සංඛ්‍යාවක් කොළඹ දිස්ත්‍රික්කයෙන් වාර්තා වී ඇති අතර, එම සංඛ්‍යාව1232කි.

ගම්පහ දිස්ත්‍රික්කයෙන් පැමිණිලි 925ක්ද, කලුතර දිස්ත්‍රිකයෙන් පැමිණිලි 550ක්ද,කුරුණෑගල දිස්ත්‍රික්කයෙන් පැමිණිලි 647ක් මෙන්ම රත්නපුර දිස්ත්‍රික්යෙන් පැමිණිලි 490ක්ද, ගාල්ල දිස්ත්‍රිකයෙන් පැමිණිලි 564ක් වාර්තා වී ඇති බව ළමා අධිකාරයේ සභාපතිනි නිතිඥ මරිනි ද ලිවේරා පවසයි.

යාපනය දිස්ත්‍රිකයෙන් පැමිණිලි 177ක්ද, වවුනියාව දිස්ත්‍රික්යෙන් පැමිණිලි 122ක්ද, මඩකලපුව දිස්ත්‍රික්යෙන් පැමිණිලි 170ක්ද, මුලතිව් දිස්ත්‍රික්කයෙන් පැමිණිලි 125ක්ද, කිළිනොච්චිය දිස්ත්‍රික්කයෙන් පැමිණිලි 117ක්ද, වාර්තා වී ඇති බව ජාතික ළමා ආරක්ෂක අධිකාරිය නිකුත් කල නිවේදනයේ දැක්වේ.

ජාතික ළමා ආරක්ෂක අධිකාරියේ අපේක්ෂාව වන්නේ ළමා අපයෝජන හේතුවෙන් වරදකරුවන් වූ පුද්ගලයන්ට දඩුවම් ලබාදී වින්දිත දරුවන් සමාජ ගත කිරීමට අවශ්‍ය වටපිටාව සලසා බව දීම ජාතික ළමා ආරක්ෂක අධිකාරියේ සභාපතිනි නිතිඥ මරිනි ද ලිවේරා වැඩි දුරටත් නිවේදනය කරයි.