අට අවුරුද්දකට ඉහත දී තරුණ කම්කරු නායකයෙකුගේ ජිවිතය බිලි ගනිමින් දියත් කරන ලද පොලිස් ප්‍රහාරයෙන් තුවල ලද දහසය දෙනෙකුට වන්ද ගෙවන ලෙසට රටේ ඉහලම අධිකරණය රජයට නියෝග කර තිබේ.
පොලිසියේ පහර කෑමට ලක්වු කටුනායක වෙළඳ කලාපයේ සේවකයන් ගොණු කරන ලද පෙත්සමේ තීන්දුව ප්‍රකාශයට පත් කරමින් විනිසුරු විජිත් මලල්ගොඩ කියා සිටියේ එම 16 දෙනාගේ අදහස් ප්‍රකාශනයේඅයිතිය ඇතුළු මූලික අයිතිවාසිකම් උල්ලංඝනය වී ඇති බවයි.
සේවක අර්ථසාධක අරමුදල කොල්ලකෑමට කටුනායක නිදහස් වෙළඳ කලාප සේවකයන් ඉලක්ක කොටකැරළි මර්දන පොලිස් සේනාංක විසින් 2011 මැයි මස 30 එල්ල කරන ලදී.
වෙඩි ප්‍රහාරයට පසුදා 22 හැවිරිදි රොෂේන් චානක රත්නසේකර ඝාතනයට ලක් විය.
තුවාල වී දිවි ගලවාගත්තවුන්ට රුපියල් පනස් දහසේ සිට ලක්ෂ දෙකහමාරක් දක්වා වන්දි ගෙවීමට ශ්‍රේෂ්ඨාධිකරණය විසින් ආණ්ඩුවට නියම කළේය.
ප්‍රහාරයේ වගකීම භාරගෙන ධුරයෙන් ඉල්ලා අස්වූ එවක පොලිස්පති මහින්ද බාලසූරිය බ්‍රසීලයේ තානාපති තනතුරට පත්කර යැවූ හිටපු ජනාධිපති මහින්ද රාජපක්ෂ ඉන් අනතුරුව ඔහු නීතිය සහ සාමය පිළිබඳ අමාත්‍යාංශයේ ලේකම්වරයා වශයෙන් පත්කරන ලදී.
රොෂේන් මරා දැමුවන්ට එරෙහිව තම රජයක් යටතේ උපරිම දඬුවම් පමුණුවන බව හා ඔහු වෙනුවෙන් කටුනායක වෙළඳ කලාපයේ ස්මාරකයක් ඉදිරි කරන බවට වත්මන් අග්‍රාමාත්‍ය රනිල් වික්‍රමසිංහ පොරොන්දු වුයේ එවක විපක්ෂ නායකයා ලෙසින්.
පොලිස් ප්‍රහාරය සහ ඝාතනය සම්බන්ධයෙන් විභාග කිරීමට පත් කරන ලද ජනාධිපති කොමිසම් වාර්තාව ලබා ගැනීමට රොෂේන් මාතාව මේරි ස්වර්ණකාන්තිට හැකි වී ඇත්තේ සිය පුත්‍රයාගේ මරණින් වසර හයකට පසුවයි.
නිදහස් වෙළෙඳ කලාප කම්කරුවන්ගේ විරෝධතාව මැඩලීමට පොලිසිය හා ආයෝජන මණ්ඩලය කම්කරුවන් ගත් මර්දනීය ක්‍රියාමාර්ග නීති විරෝධී බව හිටපු මහාධිකරණ විනිසුරු මහානාම තිලකරත්නගේ ප්‍රධානත්වයෙන් යුත් කොමිසමේ නිගමනය වී තිබුනි.
Facebook Comments
