අගමැතිවරයා සමඟ හමුව කල් දමා යාපනය බලා ගිය සජිත් ප්‍රේමදාස අමාත්‍යවරයා දෙමළ සන්ධාන නායකයන් සමඟ සාකච්ඡා පවත්වා තිබේ.
රනිල් වික්‍රමසිංහ අගමැතිවරයා විසින් 08 ඉරිදා තමන් හමුවන ලෙසට සජිත් ප්‍රේමදාස වෙත දන්වා යවා තිබුන ද අවලංගු කළ නොහැකි රාජකාරියක් යොදාගෙන ඇති බැවින් එම සාකච්ඡාව ලබන අඟහරුවාදා දිනයට යොදා ගන්නැයි ඇමැතිවරයා පෙරළා දන්වා යවා තිබුනි.
මුදල් අමාත්‍ය මංගල සමරවීර විසින් සංවිධානය කරන ලද යාපනයේ පැවැත්වෙන එන්ටප්‍රයිස් ශ්‍රී ලංකා වැඩ සටහනට අමාත්‍ය සජිත් ප්‍රේමදාස 08 ඉරිදා සහාභාගී විය.
කෙසේ වෙතත් දිවා ආහාරය සමඟ තුන් පැයකටත් වැඩි වෙලාවක් සජිත් ප්‍රේමදාස අමාත්‍යවරයා හා දෙමළ සන්ධාන නායකයින් අතර පැවැති සාකච්ඡා ගැන කිසිවක් මෙතෙක් මාධ්‍යයට අනාවරණය වී නැත.
දෙමළ සන්ධාන නායකයින් සමඟ පැවති සාකච්ඡා ඉතා සාර්ථකව පැවති බව පමණක් එම හමුවට එක්වු මුදල් රාජ්‍ය ඉරාන් වික්‍රමරත්න මාධ්‍ය වෙත කියා සිටියේය.
සජිත් ප්‍රේමදාස අමාත්‍යවරයා සමඟ පැවති සුහද හමුවට දෙමළ ජාතික සන්ධානය නියෝජනය කරමින් මාවෙයි සේනාධිරාජා, එම්. ඒ. සුමන්තිරන්, ධර්මලිංගම් සිද්ධාර්තන්, ඊශ්වරපාදම් සරවනබවන් යන පාර්ලිමේන්තු මන්ත්‍රීවරු මෙන්ම යාපනය නගරාධිපති එම්මානුවේල් ආනොල්ඩ් ද එක්ව ඇත.
Facebook Comments
