අගමැති රනිල් වික්‍රමසිංහට එරෙහිව ඉදිරිපත් කර ඇති විශ්වාස භංග යෝජනවා සම්බන්ධයෙන් තීරණයක් ගැනීමේ දී “දෙමළ ජනතාවගේ යහපත” ගැන සිතා තීරණයක් ගන්නා මෙන් උතුරු පලාත් මහ ඇමැතිවරයා දෙමළ ජාතික සන්ධානය ඉල්ලා සිටි.
මෙම විශ්වාස භංගයේදී කුමන හෝ පාර්ශවයක් හට සහාය දැක්වුවද ඊට පෙර එකී පාර්ශවය සමගින් ලිඛිත අබබෝධතාවක් අත්සන් කළ යුතු බවට යෝජනා කරන බව මහ ඇමැති සී වී විග්නේස්වරන් මාධ්‍ය අමතමින් කියා සිටියේය.
“වහාම ඉටු කළ යුතු ප්‍රධාන දේශපාලන කරුණු ගිවිසුමකට ඇතුලත් විය යුතුයි. ඔහු ඒවා ප්‍රතික්ෂේප කළත් අපට බලපාන ගැන ඔහුගේ ස්ථාවරය එවිට අපට දැන ගත හැකි.” යි උතුරු මහ ඇමැතිවරයා සඳහන් කළේය.
වත්මන් දේශපාලන වාතාවරණයේදී සුළු ජාතීන්ට එරෙහි ක්‍රියාවන් ඇති වීමට හේතු ඇත්තේ මහ ජාතියේ නායකයින්ට එල්ල වන බලපෑම් බව කී මහ ඇමැතිවරයා මෙම අවස්ථාවේදී කල්පනාකාරීව කටයුතු කරමින් සුදුසු තීරණයක් ගත යුතු බවයි පෙන්වා දෙන්නේ.
අග්‍රාමාත්‍යවරයාට එරෙහිව නැගී සිටි එක්සත් ජාතික පක්ෂයේම නියෝජිතයින් අගමැතිවරයා වෙනුවෙන් කටයුතු කිරීමට එකගතාවක් ඇති කරගෙන ඇති නම් එම තීරණය පසුපස කුමක් හෝ වාසියක් සිදුව ඇති බවටයි උතුරු පලාත් මහ ඇමැති සී වී විග්නේස්වරන් සැක පල කරන්නේ.
Facebook Comments
