ඒකාබද්ධ විපක්ෂය විසින් අගමැති රනිල් වික්‍රමසිංහට එදිරිව ඉදිරිපත් කර ඇති විශ්වාස භංග යෝජනාවෙන් පසුව එක්සත් ජාතික පක්‍ෂය 2020 මහ මැතිවරණය සහ ජනාධිපතිවරණය ජය ගැනීමේ සටන ආරම්භ කරන බව පක්ෂයේ නියෝජ්‍ය මහ ලේකම්වරයා පවසයි.
ශ්‍රී ලංකා නිදහස් පක්ෂයේ සමහර මන්ත්‍රීවරුන් හිටපු ජනාධිපති මහින්ද රාජපක්ෂගේ “නැට්ටේ එල්ලී” ඉදිරියට යාමට උත්සහ කරන බවට චෝදනා කරන අධ්‍යාපන අමාත්‍ය අකිල විරාජ් කාරියවසම් තව මන්ත්‍රීවරුන් පිරිසක් එක්සත් ජාතික පක්ෂයට පැමිණීමට බලාපොරොත්තුවෙන් සිටින බව 02 සඳුදා සිරිකොත පැවති මාධ්‍ය හමුවක දී හෙළි කළේය.
2015 ජනවරමට එරෙහිව කුමන්ත්‍රණය කරපු කණ්ඩායමක් තමයි අද මේ විශ්වාසභංග යෝජනාව ගේන්න පෙරමුණ අරගෙන තියෙන්නේ. මේ ආණ්ඩුව පරාජයට පත් කරලා මේ අයට අතට බලය ලබා ගැනීමේ මාර්ගය තමයි මොවුන් උපක්‍රමශීලීව සොයමින් ඉන්නේ. ඔවුන් උත්සහ කරන්නේ මේ රට අස්ථාවර කිරීමට. යි ඇමැතිවරයා ප්‍රකාශ කළේය.
යහපාලන ජනවරම ආපසු හැරවීමට ඉඩ නොදෙමින් සියලු බලවේග ඒකරාශි කර ගනිමින් විශ්වාස භංග යෝජනවා පරාජයට පත් කරන බව එක්සත් ජාතික පක්ෂයේ නියෝජ්‍ය මහ ලේකම් අධ්‍යාපන අමාත්‍ය අකිල විරාජ් කාරියවසම් වැඩි දුරටත් කියා සිටියේය.
Facebook Comments
