විදුලි සහ දෙමුහුන් වාහන කල්බදු සංශෝධනය ලඟදීම

විදුලි සහ දෙමුහුන් වාහන සඳහා කල්බදු සංශෝධනය කිරීමට 2018 අයවැයෙන් කරන ලද යෝජනා නුරේදීම ක්‍රියාත්මක වන බව මුදල් අමාත්‍යංශ ආරංචි මාර්ග පවසයි.

ශ්‍රී ලංකා මහ බැංකුව දන්වා ඇති පරිදි විදුලි වාහනයක් සඳහා 90/10 සහ දෙමුහුන් වාහන සඳහා 70/30 අනුපාතය යටතේ ණය ක්‍රියාත්මක වීමට නියමිත බවයි මුදල් අමාත්‍යංශයේ ඉහල පෙලේ නිලධාරියෙකු කියා සිටියේ.

මුදල් අමාත්‍ය මංගල සමරවීර විසින් දෙමුහුන් වාහන සඳහා 50% සට 70% දක්වාත් විදුලි වාහන වලට 90% දක්වා කල්බදු ලබා දීමට යෝජනා කර තිබුණි.

නව කල්බදු ක්‍රමය පිළිබඳව ශ්‍රී ලංකාව මහ බැංකුව විසින් වාණිජ බැංකු සහ මුල්‍ය ආයතන වලට චක්‍රලේඛනයක් මඟින් දැනුම් දුන් පසු එය ක්‍රියාත්මක වන බවයි මුදල් අමාත්‍යංශ ආරංචි මාර්ග පවසන්නේ.