යකඩ සපත්තුවට යට වුන යුගය අවසන් – ඇමැති එරාන්

0
411
Ivory Agency Sri Lanka
wedding people
Loading...

රාජපක්ෂ පාලන සමයේදී අධිකරණයේ ස්වාධීනත්වයක් නොතිබු බව මෙන්ම අධිකරණය යකඩ සපත්තුවට යට කර තිබු යුගය අවසන් කල බව මුදල් රාජ්‍ය අමාත්‍යයා පෙන්වා දෙයි.

“එදා අධිකරණයට ඉඩ දුන්නේ නෑ. එදා යකඩ සපත්තුවට අධිකරණය යට කර තිබුණා. එදා පාර්ලිමේන්තුවත් යකඩ සපත්තුවට යට කරන්න ලෑස්ති වුණා” යැයි පවසන ඇමැති එරාන් වික්‍රමරත්න රට ගොඩ නැඟීමට පවුල්වාදයෙන් ඉවත් විය යුතු බව 06 අගහරුවාදා බැදුම්කර සිද්ධිය සම්බන්ධයෙන් වූ ජනාධිපති කොමිෂන් වාර්තාව හා බරපතල වංචා විමර්ශන වාර්තාව පිළිබඳ විවාදයට එක්වෙමින් අවධාරණය කළේය.

පසුගිය කාලේ පාර්ලිමේන්තු මන්ත්‍රීවරයෙක් ප්‍රශ්න කළාද අත් අඩංගුවට ගත්තා දැයි ප්‍රශ්න කරන අමාත්‍යවරයා යහපාලන රජය එම වෙනස ඇති කල බව පාර්ලිමේන්තුවේදී කියා සිටියේය.

“කෝප් සභාවේ බැදුම්කර වාර්තාව ඉදිරිපත් වුණාම, අගමැතිතුමාගේ මඟපෙන්වීම මත නීතිපති දෙපාර්තමේන්තුවට යැව්වා. මේකට ඉක්මනට ක්‍රියා කරන්න කිව්වා. ජනාධිපතිතුමා ජනාධිපති කොමිෂමක් පත් කළා. හොරු කියන අය පක්ෂවලත් ඉන්නවා.” යි අමැතිවරයා සඳහන් කළේය.

2015 වසරේ දී පම්ණක් නොව 2008 සිට බැදුම්කර දූෂිත වලල්ල සෙවිය යුතු බව යෝජනා කරන ඇමැතිවරයා මෙම චෝදනාව දිගටම පැවති බව ප්‍රකාශ කර තිබේ.

පසුගිය වසර දහයේ දී ජනාධිපති කොමිෂන් සභා පැවති බව සිහි කල ඇමැති මුදල් රාජ්‍ය අමාත්‍ය එරාන් වික්‍රමරත්න පුරවැසියන්ගේ දැන ගැනීමට එම වාර්තා හෙළි කරන ලෙස වැඩි දුරටත් ඉල්ලා සිටියේය.

Facebook Comments

Loading...