රජයේ වෛද්‍ය නිලධාරින්ගේ සංගමය විසින් ගෙන යනු ලබන සයිටම් විරෝධි අරගලය සඳහා සහය ලබා ගැනීමට එම සංගමයේ නියෝජිතයින් පිරිසක් ඒකාබද්ධ විපක්ෂයේ කණ්ඩායමක් හමුවී තිබේ.
එහිදී රජයේ වෛද්‍ය නිලධාරින්ගේ සංගමයේ නියෝජිතයින් ඒකාබද්ධ විපක්ෂ කණ්ඩායමෙන් සෘජුවම ඉල්ලා ඇත්තේ මාලඹේ පුද්ගලික වෛද්‍ය විද්‍යාලයට එරෙහිව ගෙන යනු ලබන සටන ජයග්‍රහණය කිරිම සඳහා සහයෝගය ලබා දෙන ලෙසටයි.
ඒකාබද්ධ විපක්ෂයේ පිරිස එහිද පෙරලා පිලිතුරු සපයා ඇත්තේ දේශපාලනික වශයෙන් තමන්ට සහයෝගය ලබා දෙන්නේ නමි රජයේ වෙද සංගමයේ සටනට තම පුර්ණ සහය ලබා දීමට සුදානම් බවයි.
පසුගිය පාලනය සමයේද තම සංගමය විසින් සයිටම් වෛද්‍ය විද්‍යාලයට මහින්ද රාජපක්ෂ පාලනයට අපහසුවක් වන අයුරින් විරෝධතාවක් නොදැක්වු බව සිහිපත් කර දී ඇති ඔවුන් තවදුරටත් පවසා ඇත්තේ සෞඛ්‍ය අමාත්‍ය රාජිත සේනාරත්නට එරෙහිවද දේශපාලනික වශයෙන් පහර ගසන ලෙසටයි.
Facebook Comments
