පුද්ගලයන්ගේ ලිංගික බැඳියාව මත වෙනස් නොකරනු ලැබීමේ අයිතිය ව්‍යවස්ථාගත කල යුතු බවට ශ්‍රී ලංකා මානව හිමිකම් කොමිසම අවධාරණය කරයි.
එම යෝජනාව ශ්‍රී ලංකාවේ මානව හිමිකම් කොමිසම විසින් ව්‍යවස්ථා සම්පාදක මණ්ඩලයට ද ඉදිරිපත් කළ බවයි ශ්‍රී ලංකා මානව හිමිකම් කොමිසමේ සභාපතිනී ආචාර්ය දීපිකා උඩගම පවසන්නේ.
පුවත් පතකට සම්මුඛ සාකච්ඡාවක් ලබා දෙමින් ඇය මේ බව පවසා ඇති අතර සමලිංගිකත්වය අපරාධයක් සේ සලකා දඬුවම් කිරීමට එරෙහිව ගෙන එන යෝජනා ‘සංස්කෘතිය’ පදනම් කොට බැහැර කිරීම කොමසාරිස්වරියේ දැඩි දෝෂ දර්ශනය ලක් ව තිබේ.
මානව හිමිකම් කෙටුම්පත
රටේ මානව හිමිකම් සුරැකීම වෙනුවෙන් සකස් කරන ජාතික සැලසුමේ කෙටුම්පත මෙතෙක් තම කොමිසම වෙත ලබා දී නැතැයි ශ්‍රී ලංකා මානව හිමිකම් කොමිසමේ සභාපතිනී ආචාර්ය දීපිකා උඩගම පවසයි.
“මානව හිමිකම් සුරැකීමේ හා ප්‍රවර්ධනය කිරීමේ ජාතික ක්‍රියාකාරී සැලැස්ම” ට අඩංගු කොටස් කිහිපයක් කොමිසමේ නිරීක්ෂණය සඳහා එවා ඇති මුත් මේ සතියේ කැබිනට් මණ්ඩල අනුමැතිය සඳහා ඉදිරිපත් කරන ලද අවසන් කෙටුම්පත තවමත් දැක නැති බවයි ඇය අවධාරණය කරන්නේ.
කෙටුම්පත කැබිනට් මණ්ඩලයට ඉදිරිපත් කිරීමට පළමු කළ යුතුව තිබුනේ එය විමර්ශනය කොට උපදෙස් දීම සඳහා ශ්‍රී ලංකාවේ මානව හිමිකම් කොමිසම වෙත ලබා දීම බව පෙන්වා දෙන සභාපතිනිය පවසන්නේ එහි පිටපතක් තමන් විදේශ කටයුතු අමාත්‍යංශයෙන් ඉල්ලා සිටින බවයි.
Facebook Comments
