දෙමළ ජාතික සන්ධාන හිටපු පාර්ලිමේන්තු මන්ත්රී නඩරාජා රවිරාජ් ඝාතන නඩුවේ තීන්දුව අහෝසි කර එම නඩුව නැවත විභාග කිරීමට මහාධිකරණයට නියෝගයක් නිකුත් කරන ලෙස ඉල්ලා නීතිපතිවරයා අභියාචනාධිකරණයට ඇපෑලක් ඉදිරිපත් කර ඇත.
අදාළ නඩුව විභාග කළ විශේෂ ජූරි සභාව හමුවේදී මහාධිකරණ විනිසුරුවරයා විසින් නඩුව සම්බන්ධයෙන් නීතිමය කරුණු ප්රමාණවත් අයුරින් පැහැදිලි කිරීමක් සිදුනොකළ බව නීතිපතිවරයා ඇපෑල ඉදිරිපත් කරමින් අභියාචනාධිකරණය වෙත දැනුම් දී තිබේ.
මධ්යම රාත්රී ඉකුත් වන තුරුම අදාළ නඩුව පවත්වාගෙන යාමෙන් පැමිණිලි පාර්ශවයට අගතියක් සිදුවු බවද නීතිපතිවරයා මෙම අැපෑල හරහා පෙන්වා දී ඇත.
හිටපු පාර්ලිමේන්තු මන්ත්රී නඩරාජා රවිරාජ් මහතා වෙඩි තබා ඝාතනය කිරීමේ සිද්ධියට අදාළ නඩුවේ තීන්දුව පසුගිය දෙසැම්බර් මස 24 වැනිදා අළුයම ප්රකාශයට පත් කෙරුණු අතර එහිදී චෝදනා එල්ල වී තිබු විත්තිකරුවන් පස් දෙනා නිදොස් කොට නිදහස් කිරීමට කොළඔ මහාධිකරණය නියෝග කළේය.