වලක්වා ගැනිමට තිබු පාස්කු ප්‍රහාර මාලාව දෙතුන් දෙනෙකුගෙන් සිදුවු බරපතල වරදක් බව ජනපති ප්‍රකාශ කර තිබේ.
“අපි කාටත් අගෞරවයක් ඇති කරමින් දෙතුන් දෙනෙක් අතින් සිදුවුන බරපතල වැරැද්දක්. ජාතික ආක්ෂාව පිළිබඳ ප්‍රශ්නර්ථයක් ඇති කරනු ලැබුවා. පැහැදිලිවම ඔබ අපි කවුරුත් දන්නා එය සම්පුර්ණයෙන්ම වළක්වා ගැනීමට තිබු දෙයක්. නමුත් දෙතුන් දෙනෙකුගේ තිබුන අඩුපාඩුව නිසා ඒ වෙච්ච ව්‍යසනය ගැන අපි අදත් කණගාටු වෙනවා.”
එම වරද සිදු කරනු ලැබු දෙතුන් දෙනා කවුරුන්ද යන්න ජනාධිපතිවරයා ප්‍රකාශ කළ වගක් දැනගන්නට නැත.
ආරක්ෂක අංශ වලට නිසි පරිදි තොරතුරු ලබා දී තිබුනේ නම් එම ප්‍රහාර මාලාව වළක්වා ගැනීමට තිබු බවට 08 සිකුරාදා නව හමුදා මුලස්ථානය විවෘත කිරිමට එක්වු ජනාධිපති මෛත්‍රීපාල සිරිසේන විශ්වාසය පළ කළේය.
අවම වශයෙන් 250 මරුමුවට පත්වු පාස්කු ප්‍රහාර මාලාව පිළිබඳව ජනාධිපතිවරයා විසින් පත් කරන ලද කොමිසමේ වාර්තාව ඔහු අත පත් කර ඇති නමුත් මේ වන තෙක් එය ප්‍රසිද්ධ කර නැත.
Facebook Comments
