ජනාධිපති ගෝඨාභය රාජපක්ෂගේ නායකත්වයෙන් බිහි කරන ඉදිරි රජයක ජාතික සමඟිය ගොඩනැඟීමේ වගකීම ඇත්තේ ශ්රී ලංකා නිදහස් පක්ෂයට බව එහි සභාපතිවරයා ප්රකාශ කර තිබේ.
එම වගකීම ශ්රී ලංකා නිදහස් පක්ෂය විසින් නිසි ලෙස ඉටු කළ යුතු බවට හිටපු ජනාධිපති මෛත්රීපාල සිරිසේන පසුගියදා ශ්රී ලංකා නිදහස් පක්ෂයේ උතුරු සහ නැඟෙනහිර පළාත් ආසන සංවිධායකවරුන් හමුවු අවස්ථාවේදී කියා සිටියේය.
ඉදිරියේ දී ශක්තිමත් නව ආණ්ඩුවක් බිහි කිරීම සඳහා ජනාධිපතිවරයාට ශ්රී ලංකා නිදහස් පක්ෂයේ සහාය ලබා දිය යුතු බව ද හෙතෙම අවධාරණය කර ඇත.
උතුරු සහ නැඟෙනහිර ජනතාවගේ විශ්වාසය එම ආණ්ඩුවට දිනා දීමට සහ මැතිවරණයක දී මුස්ලිම් සහ දෙමළ ඡන්ද නව ආණ්ඩුවට ලබා ගැනීමේ වැඩි වගකීම ශ්රී ලංකා නිදහස් පක්ෂයේ ආසන සංවිධායකවරුන්ට පැවැරෙන පක්ෂ සභාපති හිටපු ජනාධිපති මෛත්රීපාල සිරිසේන වැඩි දුරටත් ප්රකාශ කර ඇත්තේ.
Facebook Comments
