පාස්කු ඉරිදා ප්‍රහාරය ගැන ජනාධිපතිට දොස් (VIDEO)

0

පාස්කු ඉරිදා ප්‍රහාර මාලාව වළක්වා ගැනීමට නොහැකි වුයේ ජනාධිපතිවරයාගේ වරදින් බවට සිවිල් සංවිධාන චෝදනා කර තිබේ.

එහෙත එම වරද ඔහු ආණ්ඩුව පිට පැටවු බව සාධරණ සමාජයක් සඳහා වු ජනතා ව්‍යපාරයේ මහාචාර්ය සරත් විජේසුරිය හලාවත පැවති ජන හමුවකදී කියා සිටියේය.

“මේ පාස්කු ඉරිදා ප්‍රහාරය වළක්වා ගන්න නොහැකිවුනේ ජනාධිපති සිරිසේනගේ වරදින්. ඒත් හිරිකිතයක් නැතුව ඒ වරදත් ආණ්ඩුවට පැටෙව්වා.”

ආණ්ඩුව විසින් කළ හොඳ දේවල් ජනපති මෛත්‍රීපාල සිරිසේන විසින් කළ බවට හා අයහපත් දෙයක් සිදුවුවහොත් එය අගමැති රනිල් වික්‍රමසිංහගේ ගිණුමට බැර වන ක්‍රමවේදයක් මාධ්‍ය තුළ ද දියත් වු බවට මහාචාර්යවරයා චෝදනා කළේය.

ජනාධිපතිවරයාගේ බල අරගලය තුල පාස්කු ප්‍රහාරයට පෙර පැවති ආරක්ෂක කවුන්සිලයට අගමැතිවරයා හා අමාත්‍යවරයා නොකැඳවු බවට කී මහාචාර්යවරයා එසේ කැඳවු ආරක්ෂක කවුන්සිලය තුලද ඔහු සාකච්ජා කර ඇත්තේ පොළොන්නරුවේ සංවර්ධන කටයුතු බවද පැවසීය.

ආරක්ෂක අංශවලට පාස්කු ප්‍රහාර මාලාව පිළිබඳව ජනාධිපති මෛත්‍රීපාල සිරිසේන දැනුවත් කිරිමට ද අවස්ථාවක් නොලැබුන බවට ආරක්ෂාව බාර නිලධාරින් විසින් දී ඇති දිවුරුම් ප්‍රකාශ මඟින් හෙළිව ඇති බවද සරත් විජේසුරිය මහාචාර්යවරයා කියා සිටියේය.

රාජපක්ෂවරුන් රාජ්‍ය බලය ලබා ගැනීමට උත්සාහ දරන්නෙ ඔවුන්ට එරෙහිව ඇති මුල්‍ය හා අපරාධ නඩු වලින් ගැලවී තමන්ට රිසිසේ නැවත වරක් රට කොල්ලකෑමට යැයිද මහාචාර්යවරයා වැඩි දුරටත් අනතුරු ඇඟවීය.

Facebook Comments

wedding people