අල්ලස් හෝ දූෂණ චෝදනා විමර්ශන කොමිෂන් සභාවේ නව අධ්‍යක්ෂ ජනරාල්වරයා ලෙස ජනාධිපති නීතිඥ සරත් ජයමාන්න පත් කර ඇත.
ජනාධිපති කාර්යාලයේදී හෙතෙම සිය පත්වීම් ලිපිය ජනාධිපති මෛත්‍රිපාල සිරිසේන වෙතින් බ්‍රහස්පතින්දා (10) ලබා ගත්තේය.
දිල්රුක්ෂි ඩයස් වික්‍රමසිංහ සිය ධුරයෙන් ඉල්ලා අස්වීම හේතුවෙන් අල්ලස් හෝ දූෂණ චෝදනා විමර්ශන කොමිෂන් සභාවේ අධ්‍යක්ෂ ජනරාල් තනතුරේ පුරප්පාඩු ඇතිවිය.
නව අධ්‍යක්ෂක ධුරය ලබා ගැනීමට පෙර නීතිපති දෙපාර්තමේන්තුවේ අතිරේක සොලිස්ටර් ජනරාල්වරයෙකු ලෙස සරත් ජයමාන්න සේවය කරමින් සිටියේය.
නීතිපති දෙපාර්තමේන්තුවේ වසර 25 කට අධික කාලයක සේවා පළපුරුද්දකින් යුතු ඔහු එම දෙපාර්තුමේන්තුවේ ජේෂ්ඨතම නිලධාරියෙකි.
Facebook Comments
