ගුවන් විදුලි මධ්‍යස්ථාන 50ක් සහ ඩිජිටල් වීඩියෝ ප්‍රකාශන නාලිකා 50ක් සඳහා සංඥා සම්ප්‍රේෂණ පහසුකම් සලසන නෙළුම් කුලුණු මේ වසර නිමවීමට පෙර විවෘත කිරීමට නියමිත බවට වාර්තා පළ වේ.
ශ්‍රී ලංකාවේ, කොළඹ දර්ශනීය ලෙස ඉදිකරන මෙම නෙලුම් කුලුණ තුළින් විවිධ වාණිජ සහ විනෝදාස්වාද පහසුකම් ද සපුරාලනු ඇත.
ඇමරිකානු ඩොලර් මිලියන 105ක ඇස්තමේන්තු ගත පිරිවැයක් සහිත මෙම නෙළුම් කුලුණ මධ්‍යස්ථානය ආසියාවේ වාණිජ නගරය ලෙස ඉදිකරන කොළඹ පිළිගැනෙන ජාත්‍යන්තර සංකේතයක් වනු ඇතැයි ශ්‍රී ලංකා විදුලි සංදේශන න්‍යාමන කොමිසන් සභාව පවසයි.
ශ්‍රී ලාංකීය ජනතාවට ලෝක මට්ටමේ පිළිගැනෙන සංඥා සංදේශන පහසුකම් මෙම ව්‍යාප්තිය තුළින් හිමිවන බවද කොමිසන් සභාව වැඩිදුරටත් ප්‍රකාශ කරයි.
Facebook Comments
