ශ්‍රී ලංකා පොලිසියෙන් සැඟව වරෙන්තු ලබා සිටින උදයංග වීරතුංගව හමුවීම සම්බන්ධයෙන් යහපාලන රජයේ සංචාරක සංවර්ධන හා ක්‍රිස්තියානි කටයුතු නියෝජ්‍ය ඇමති අරුන්දික ප්‍රනාන්දුගෙන් කරුණු වීමසීමට රජය තීරණය කර තිබේ.
මේ සතියේ පැවති කැබිනට් මණ්ඩලය අරුන්දික ප්‍රනාන්දු නියෝජ්‍ය ඇමතිවරයා සහ හිටපු ජනපති මහින්ද රාජපක්ෂ විසින් රාජපක්ෂ පාලන සමයේ මිග් ගණුදෙනුව ඇතුළු බරපතල වංචා රැසකට සම්බන්ධ බවට සැක කෙරන උදයංග වීරතුංග හමුවීම පිළිබඳව දැඩිව අවධානය යොමු කර ඇත.
මෙම හමුව සම්බන්ධව 14 බදාදා පැවති කැබිනට් තීරණ දැනුම්දීමේ මාධ්‍ය හමුවේදී සම කැබිනට් ප්‍රකාශක අමාත්‍ය රාජිත සෙන්රත්න කියා සිටියේ අදාළ නියෝජ්‍ය ඇමතිවරයාගෙන් කරුණු විමසීමට රජයේ අවධානය යොමු ඇති බවයි.
කෙසේ වෙතත් උදයංග වීරතුංග සහ යහපාලන රජයේ නියෝජ්‍ය අමාත්‍ය අරුන්දික ප්‍රනාන්දු අතර ජපානයේ සිදුවු හමුව සම්බන්ධව බුද්ධි අංශ විසින් ජනාධිපතිවරයා වෙතද වාර්තා කර තිබුණි.
පසුගිය පාලන සමයේ සිදුවු මිග් යානා ගණුදෙනුව ඇතුළු බරපතල ගණයේ වංචා හා දුෂණ සම්බන්ධයෙන් උදංයග වීරතුංග සැකකරුවෙක් ලෙස පොලිසිය අධිකරණයට දන්වා ඇති අතර ඔහු සිටින ස්ථානයක් සොයා ගැනීමට නොහැකි වී ඇති බවට අධිකරණයට වාර්තා කර තිබේ.
Facebook Comments
