“ආගම් විරෝධි ප්‍රහාර සඟවන” අධිකරණ ඇමතිට එරෙහිව නීතිය ක්‍රියාත්මක කල යුතුයි

0
2735
wedding people
Loading...

ජනතාව නොමඟ යවන සුළු ප්‍රකාශ සිදු කරමින් රට තුළ සිදුවන ආගම් විරෝධි ප්‍රඩණ්ඩ ක්‍රියා සැඟවීමට උත්සාහ දරන අධිකරණ ඇමති වි‍ජේදාස රාජපක්ෂට එරෙහිව නීතිය ක්‍රියාත්මක කල යුතු බවට ආගමික අයිතීන් වෙනුවෙන් පෙනී සිටින මානව හිමිකම් නිතීඥවරයෙක් පෙන්වා දෙයි.

ජනාධිපතිවරයා සහ අධිකරණ ඇමතිවරයා විසින් ක්‍රිස්තියානි ආගමිකයන්ට එරෙහිව සිදුවන ප්‍රහාර සම්බන්ධ කරුනු වැරදියට වටහාගෙන ඉදිරිපත් කරමින් සිටින බවයි නිතිඥ ලක්ෂාන් ඩයස් පවසන්නේ.

ක්‍රිස්තියානි ආගමික ස්ථාන වලට එරෙහි පහරදීම් සම්බන්ධව රූපවාහිනි වැඩසටහනක කල ප්‍රකාශයක් සම්බන්ධව නීතිඥ ලක්ෂාන් ඩයස් විසින් පැය 24 ක් ඇතුළත රටේ ජනතාවගෙන් ප්‍රසිද්ධියේ සමාව ගත යුතු බව පැවසු අධිකරණ ඇමති විජේදාස රාජපක්ෂ නොඑසේ නම් ඔහු නීතිඥ ධුරයෙන් නෙරපන බවට ප්‍රසිද්ධ ප්‍රකාශයක් කල අතර ජනාධිපතිවරයාද නීතිඥ ලක්ෂාන් ඩයස්ගේ ප්‍රකාශය ප්‍රතික්ෂේප කළේය.

කතෝලිකයන්ට එරෙහිව ප්‍රහාර සිදුව නොමැති බවට අධිකරණ ඇමතිවරයා කල ප්‍රකාශය සත්‍ය බව මෙන්ම එම ප්‍රහාර සම්බන්ධව කාදිනල් හිමියන් නොදැනුවත් බවද කී නීතිඥවරයා කතෝලික සභාව විසින් එවැන්ජලිස්ත සභාවේ ක්‍රිස්තියානි ආගමිකයන්ට එරෙහිව සිදු කරන ලද ප්‍රහාර සම්බන්ධ නඩු කිහිපයක් සඳහා තමා පෙනී සිටින බව සඳහන් කළේය.

ක්‍රිස්තියානි භක්තියන්ට කතෝලිකයන්ගෙන් සහ බෞද්ධ ආගමිකයන්ගේ ප්‍රඩන්ඩත්වය මුහුණ දීමට සිදුව ඇති බව නීතිඥ ලක්ෂාන් ඩයස් සිලෝන් ජර්නල්ස් හා කියා සිටි අතර වත්මන් රජය බලයට පත්වීමෙන් පසු සිදුවු එවැනි සිද්ධින් 195 පිළිබඳව ශ්‍රී ලංකා ජාතික ක්‍රිස්තියානි ධර්මදාන සන්ධානයේ දත්ත වල සඳහන් බවයි ඔහු පෙන්වා දෙන්නේ.

ක්‍රිස්තියානි විරෝධි ප්‍රහාර සම්බන්ධව පොලිස් වාර්තා වල මෙන්ම එක්සත් ජනපදයේ වාර්ෂික ආගමික නිදහස පිළිබඳ වාර්තා වලද තොරතුරු වාර්තා වී ඇත බව පෙන්වා දුන් නීතිඥ ලක්ෂාන් මෙම ප්‍රහාර සම්බන්ධව එවැන්ජලිස්ත සභාව විසින් ජනාධිපතිවරයා වෙතද කරුණු වාර්තා කර ඇති බව පැවසුහ.

ශ්‍රේෂ්ඨාධිකරණයට කල අපහාසයක්

අධිකරණ ඇමති විජේදාස රාජපක්ෂ හට නීතිඥවරුන් පත් කිරීමට හෝ ඉවත් කිරීමට බලයක් නැති බව කී නීතිඥ ලක්ෂාන් ඩයස් එවැනි බලයක් තමන්ට ඇති බවට හැ‍ඟී යන ආකාරයෙන් ප්‍රකාශ සිදු කිරීම එම බලය හිමි ශ්‍රේෂ්ඨාධිකරණයට කල අපහාසයක් බව අවධාරණය කලේය.

එබැවින් රටේ වගකිව යුතු අමාත්‍යවරයෙක් ලෙස ජනාතව නොමඟ යවන සුළු ප්‍රකාශ කිරීම සම්බන්ධව ඇමතිවරයා තමන්ගෙන් සහ රටේ ජනතාවගෙන් සමාව අයැදිය යුතු බවටයි නීතිඥ ලක්ෂාන් ඩයස් වැඩිදුරටත් ප්‍රකාශ කළේ.

කාදිනල් මැල්කම් රංජිත් හිමිපාණෝ එවැන්ජලිස්ත සභාව නියෝජනය නොකරන අතර කතෝලික සභාව සහ එවැන්ජලිස්ත සභාව මතාවාදිව වෙනස් ආගම් දෙකකි.

Facebook Comments

Loading...