ඉන්දියාව පරදා පාකිස්තානුවෝ චැම්පියන්ස් කුසලානය දිනා ගනී

0
Britain Cricket - Pakistan v India - 2017 ICC Champions Trophy Final - The Oval - June 18, 2017 Pakistan celebrate winning the ICC Champions Trophy Action Images via Reuters / Paul Childs Livepic EDITORIAL USE ONLY.

පන්දු යවන්නන්ගේ විශිෂ්ට දස්කම් හමුවේ ලන්ඩන් ඕවල් පිටියේදී පැවැති අවසන් මහ තරගයේදී ඉන්දියාවට එරෙහිව ලකුණු ලකුණු 180 ක ජයක් හිමිකරගත් පාකිස්තානය ශූරයන්ගේ කුසලාන දිනා ගත්තේය.

අන්තර්ජාතික ක්‍රිකට් සභාවේ තරගාවලියක අවසන් තරගයකදී ඕනෑම කණ්ඩායමකට එරෙහිව වැඩිම ලකුණු පරතරයකින් ජයග්‍රහණය වාර්තා කළ තරගය බවටද මෙම තරගය පත්විය.

පාකිස්තාන කණ්ඩායම පළමුවෙන් පන්දුවට පහරදෙමින් ලකුණු 338ක් රැස්කරගත් අතර එයට පිළිතුරු ලෙස ඉන්දීය කණ්ඩායමට රැස්කළ හැකිවූයේ ලකුණු 158 පමණි.

ඉන්දීය කණ්ඩායම වෙනුවෙන් ඉහළම ලකුණු ප්‍රමාණයක් රැස්කළ පිතිකරු වූයේ හර්දික් පාණ්ඩ්‍යාය. ඔහු ලකුණු 76ක් රැස්කළේ පන්දු 43කිනි. ඔහු සිය අර්ධ ශතකය පන්දු 38කින් වාර්තා කළ අතර අයි.සී.සී. ලෝක ඉසව්වකදී අවසන් මහ තරගයකදී වාර්තා වූ වේගවත්ම අර්ධ ශතකයද විය.

පළමුවෙන්ම පන්දුවට පහරදුන් පාකිස්තාන කණ්ඩායම නියමිත පන්දුවාර 50 තුළදී කඩුලු 4 ලකුණු 338 රැස්කළේය.

පාකිස්තාන ඉනිමට සාර්ථක ආරම්භයක් ලබාදීමට අසාර් අලී හා ෆක්හාර් සැමන් සමත්වූහ. එම ආරම්භය බාබර් අසාම්, මොහොමඩ් හෆිස් යන පිතිකරුවෝ ඉදිරියට රැගෙන යමින් පාකිස්තාන ඉනිම ඉහළ ලකුණු සංඛ්‍යාවකට රැගෙන ගියහ.

පාකිස්තානය රැස්කළ ලකුණු සංඛ්‍යාව දෙරට අතර පැවැත්වෙන එක්දින තරගයකදී පළමුවෙන්ම පන්දුවට පහරදුන් කණ්ඩායමක් රැස්කළ ඉහළම ලකුණු සංඛාවද වෙයි. ඉමාඩ් වසීම් හා මොහොමඩ් හෆීස් පස්වැනි කඩුල්ල සඳහා පන්දුවාර 7.3කදී නොබිදුණු ලකුණු 71ක සබඳතාවක් ගොඩනැංවූහ.

Facebook Comments

wedding people