මුරලිගෙන් ඔස්‌ට්‍රේ‍ලියානු පිලට දඟ පන්දු පාඩම්

1

මේ මස අග ඇරඹෙන ශ්‍රී ලංකා – ඕස්ට්‍රේලියානු සංචාරයට පෙරාතුව මුත්තයියා මුරලිදරන් ඔස්‌ට්‍රේ‍ලියානු කණ්‌ඩායමේ දඟ පන්දු උපදේශකවරයකු වශයෙන් පත් කර තිබේ.

මේ බව සනාථ කරමින් ඔස්‌ට්‍රේ‍ලියානු කණ්‌ඩායමේ නායක ස්ටීවන් ස්මිත් පවසා තිබුනේ පළමු ටෙස්ට් තරගාවලිය ඇරඹෙන තෙක් මුරලි මෙම ධූරයේ කටයුතු කරනු ඇති බවත්, දඟපන්දු යවන්නන් හට එවැන්නෙකු ගෙන් සහය ලැබීම ඉතා සතුටුදායක කරුණක් බවයි.

වසර 2014 පැවති පකිස්තානු සංචාරයට පෙරාතුවද ඔස්‌ට්‍රේ‍ලියානු කණ්‌ඩායමේ දඟ පන්දු උපදේශකවරයකු වශයෙන් මුරලිදරන් පත් කර තිබුණි.

මේ අතර, ශ්‍රී ලංකාවේ හිටපු ටෙස්ට් පිතිකරු තිලාන් සමරවීර ද ශ්‍රී ලංකා සංචාරයට සහභාගී වන ඔස්ට්‍රේලියානු ක්‍රීඩකයන් කිහිපදෙනෙකුට උපදෙස් ලබාදෙමින් සිටි බවට මීට කලින් වාර්තා විය.

ලබන ජූලි 26 වැනිදා ඕස්ට්‍රේලියාව හා ශ්‍රී ලංකාව අතර පළමු ටෙස්ට් තරගය පැවැත්වේ.

දෙවැනි ටෙස්ට් තරගය 04 වැනිදා ගල්ලේදීත්, තෙවැනි ටෙස්ට් තරගය අගෝස්තු 13 එස්.එස්.සී. හිදී ද ආරම්භවීමට නියමිතය.

Facebook Comments