ක්‍රිකට් පරාජයෙන් ආණ්ඩුවත් වැටෙන් ඉඩ තිබුණා – අගමැති

0

දිගින් දිගටම ශ්‍රී ලංකා ක්‍රිකට් කණ්ඩයම ලද පරාජයන් හමුවේ ආණ්ඩුව ද කඩා වැටීමේ අවධානමක පැවති බව අගමැතිවරයා අනාවරණය කර තිබේ.

“මම ක්‍රිකට් කණ්ඩායමට තරඟ දෙකක් දීනීම ගැන විශේෂයෙන් ප්‍රශංසා කරනවා. මොකද මේ දවස් වල ලංකාවේ ප්‍රසිද්ධියක් තිබුණේ අපි ක්‍රිකට් තරඟ පරාජය වෙනවා කියලා. ඇත්ත වශයෙන්ම ඒ ගිය විදයට ආණ්ඩුවත් වැටෙන්න ඉඩ තිබුණා.” යැයි අගමැතිවරයා මහියංගණයේ පැවති උත්සවයක දී කියා සිටියේය.

පක්ෂය පරාජයට පත් වන අවස්ථාවේ ද එය ගොඩගැනීමට හරින් ප්‍රනාන්දු අමාත්‍යවරයාට ලබා දුන් නිසාවෙන් ක්‍රිකට් ක්‍රීඩාව ගොඩගැනිමේ වගකීම ද ඇමැතිවරයාට ලබා දුන් බව අගමැති රනිල් වික්‍රමසිංහ පැවසීය.

දේශපාලන ක්‍රිකට් ක්‍රීඩාවෙන් ඉවත් කල යුතු බව අවධාරණය කල අගමැතිවරයා “කොහොම හරි ක්‍රිකට් ක්‍රීඩාව සුද්ද කරන්න ඕනේ.” යැයි සඳහන් කළේය.

ක්‍රීඩා මාෆියාව ඉවත් කිරීමට ක්‍රීඩා අමාත්‍යවරයා විසින් නව නීති සකස් කරමින් සිටින බව ද අගමැති රනිල් වික්‍රමසිංහ වැඩි දුරටත් කියා සිටියේය.

Facebook Comments

wedding people