වත්මන් පාර්ලිමේන්තුව තුළ කොකේන් වැනි මත්ද්‍රව්‍ය භාවිතා කරන කිසිදු මන්ත්‍රීවරයෙකු නොමැති බව තමන් හදවතින්ම ප්‍රකාශ කරන මත්ද්‍රව්‍ය භාවිත කරන බවට චෝදනා එල්ල වන මන්ත්‍රීවරුන් සම්බන්ධයෙන් සෙවීම සඳහා පත්කරන ලද කමිටුවේ සභාපතිවරයා ප්‍රකාශ කර තිබේ.
වසර 30 ක පාර්ලිමේන්තු දිවියේ අත්දැකීම් අනුව එය විශ්වාසයෙන් පැවසිය හැකි බවයි සභානායක අමාත්‍ය ලක්ෂ්මන් කිරිඇල්ල අවධාරණය කරන්නේ.
පාර්ලිමේන්තුවේ දුම්වැටියක් හෝ භාවිතා නොකරන මන්ත්‍රීවරුන් පවා සිටින අවස්ථාවක මෙම චෝදනාව එල්ල වීම පිළිබඳව විධිමත් පරීක්ෂණයක් මේ වනවිට ආරම්භ කර ඇතැයි ද ඇමැතිවරයා සඳහන් කළේය.
පාර්ලිමේන්තු මන්ත්‍රීවරුන් කෙරෙහි එල්ලවන කොකේන් මත්ද්‍රව්‍ය චෝදනාව සම්බන්ධයෙන් සකස් කළ වාර්තාව පිළිබඳව අගමැතිවරයා දැනුවත් කළ බව කී රාජ්‍ය ව්‍යවසාය, කන්ද උඩරට උරුමය සහ මහනුවර සංවර්ධන අමාත්‍ය ලක්ෂ්මන් කිරිඇල්ල ඉදිරි ව්මර්ශණ සඳහා එම වාර්තාව පරාධ පරීක්ෂණ දෙපාර්තමේන්තුවට බාර දෙන බව ද වැඩි දුරටත් පැවසීය.
Facebook Comments
