තමන් කතානායක ධුරයේ කටයුතු කරන තෙක් රටට ජනතාවට බුදු දහමට හෝ වෙනත් ආගමකට සුළු හෝ හානියක් වන කිසිදු ව්‍යවස්ථාවක් ගෙන ඒමට ඉඩ නොතබන බව කතානායකවරයා පවසයි.
ව්‍යවස්ථාවක් පිළිබඳ ව විවිධ පාර්ශවයන්ගෙන් විවිධාකාර යෝජනා ඉදිරිපත්ව ඇති නමුත් මේ වන තෙක් කිසිඳු අවසන් කෙටුම්පතක් සකස් කර නොමැති බව කතානායක කරු ජයසූරිය මීරිගම කතෝලික දේවස්ථානයේ සියවස් පූර්ණය වෙනුවෙන් පැවති සමරු උත්සවයෙහි ප්‍රධාන ආරාධිතයා ලෙස සහභාගී වෙමින් ඔහු මේ බව කියා සිටියේය.
යෝජිත නව ව්‍යවස්ථා සංශෝධනයේ අවසන් කෙටුම්පත සකස් කොට නොමැති බැවින් පටු කෝණවලින් බලා විවිධ අසමගිකම් පැතිරවීමට උත්සාහ නොකර ලෙස කතානයකවරයා ඉල්ලා සිටී.
ආණ්ඩුක්‍රම ව්‍යවස්ථා සම්පාදක මණ්ඩලයේ සභාපතිවරයා ලෙස පාර්ලිමේන්තුවේ සම්මත කෙරෙන ඕනෑම ව්‍යවස්ථාවක් අවසන් වශයෙන් බල ගැන්වෙන්නේ ස්වකීය අත්සනින් බව සිහිපත් කර දුන් කතානායකවරයා එහිදී ඉතා සුපරීක්ෂාකාරීව සහ වගකීමෙන් කටයුතු කිරීමට මුලු මහත් ජාතියටම තමා ප්‍රතිඥා දෙන බව පෙන්වා දුන්නේය.
නව ආණ්ඩුක්‍රම ව්‍යවස්ථාවක් පිළිබඳ ව කිසිදු අවසන් කෙටුම්පතක් ඉදිරිපත්ව නැති මේ අවස්ථාවේ කිසිවෙකු කලබල වීම අවශ්‍ය නොවන බවයි කතානායක කරු ජයසුරිය වැඩි දුරටත් පවසන්නේ.
Facebook Comments
