මහින්ද රාජපක්ෂ ආණ්ඩුවේ හිටපු නියෝජ්‍ය ඇමැති විනායගමුර්ති මුරලිදරන් හෙවත් කර්නල් කරුණා රාජ්‍ය සම්පත් අයථා ලෙස පරිහරණය කිරීමේ චෝදනාවට රක්ෂිත බන්ධනාගාර ගත කොට තිබේ.
පසුගිය පාලන සමයේ නැවත පදිංචි කිරීමේ නියෝජ්‍ය අමාත්‍යවරයා වශයෙන් කටයුතු කරද්දී භාවිතා කළ වෙඩි නොවදින රථය රජයට ආපසු භාර නොදීම සම්බන්ධයෙන් මුල්‍ය අපරාධ විමර්ශන ඒකකය (FCID) කොළඹ ප්‍රධාන මහේස්ත්‍රාත් ගිහාන් පිලපිලිය විසින් කරුණා රිමාන්ඩ් භාරයට පත් කර ඇත්තේ දෙසැම්බර් 7 දා දක්වා ය.
චන්ද්‍රිකා-රනිල් හවුල් ආණ්ඩුව යටතේ සාම ක්‍රියාදාමය ක්‍රියාත්මක වෙද්දී කොටි සංවිධානයෙන් බිඳී සහරා ලංකා යුද හමුදාවේ යුද මෙහෙයුම් සඳහා මහත් දායකත්වයක් සැපයූ කර්නල් කරුණාට ප්‍රති උපකාර වශයෙන් රාජපක්ෂ පාලනය විසින් ශ්‍රී ලංකා නිදහස් පක්ෂයේ නියෝජ්‍ය නායක පදවිය ද හිමි කර දෙන ලදී.
කරුණාත් ඔහු විසින් කොටි සංවිධානයෙන් වෙන්වී විසින් පිහිටුවා ගන්නා ලද දෙමළ මහජන විමුක්ති කොටි (TMVP) සංවිධානය විසින් පසුගිය ආණ්ඩු සමයේ කරන ලද දේශපාලන ඝාතන ඇතුළු මානව හිමිකම් උල්ලංඝන සම්බන්ධයෙන් එක්සත් ජාතීන්ගේ සංවිධානය ඇතුළු ජාත්‍යන්තර මානව හිමිකම් සංවිධාන වල චෝදනාවට මුහුණ දී සිටී.
Facebook Comments
