විදෙස් මුදල් වෙනුවෙන් පාඩු ලබන රාජ්‍ය ආයතන විකිණීම අතිශය වැදගත් – මහ බැංකු අධිපති

0

රටට අවශ්‍ය විදේශ මුදල් සංචිත සොයා ගැනීම වෙනුවෙන් රජය සතු පාඩු ලබන ආයතන අලෙවි කිරීම මේ අවස්ථාවේදී සිදු කළ යුතු අතිශය වැදගත් කටයුත්තක් බවට පත්ව ඇතැයි මහ බැංකු අධිපති ආචාර්ය ඉන්ද්‍රජිත් කුමාරස්වාමි පවසනවා.

දැනට පවතින විදේශ මුදල් සංචිත ප්‍රමාණය වන ඇමෙරිකානු ඩොලර් බිලියන 6ක මුදල මේ වසර අවසානයේදී ඩොලර් බිලියන 7.5 දක්වා වර්ධනය කරගැනීම තම අපේක්ෂාව බවට ඔහු කියා සිටියේ ඊයේ (08දා) පෙරවරුවේ මහ බැංකුවේ පැවැත්වුණු මාධ්‍ය හමුවට එක්වෙමිනි.

“හම්බන්තොට මාගම්පුර වරාය චයිනා මර්චන්ට් පෝට් සමාගමට අලෙවි කිරීමේ ගනුදෙනුවෙන් ශ්‍රී ලංකාවට ඇමෙරිකානු ඩොලර් බිලියනයක මුදලක් හිමි වෙනවා.ඒ වගේම මත්තල ගුවන් තොටුපොළ ගනුදෙනුවෙන් ඩොලර් මිලියන 250ත් 300 ත් අතර මුදලක් ලැබෙනවා. ඊටත් අමතරව රජය සතුව පවතින හෝටල් සහ වෙනත් වාණිජ දේපළ අලෙවි කිරීමෙනුත් යම් මුදලක් උපයා ගැනීමේ හැකියාව පවතිනවා” යනුවෙන් ආචාර්ය කුමාරස්වාමි මෙහිදී සඳහන් කළේය.

විශේෂයෙන්ම රට තුළ පවතින ණය අර්බුදයට මෙය පිළියමක් බවද පැවසූ මහ බැංකු අධිපතිවරයා මේ හරහා ලැබෙන ආදායමෙන් වඩාත් හොඳ ණය කළමනාකරණයක් සිදුකරමින් ජනතාවට වඩා වැඩි සහන ලබා දිය හැකි බවයි පෙන්වා දෙන්නේ.

Facebook Comments