දහ නම වන ආණ්ඩුක්‍රම ව්‍යවස්ථා සංශෝධනයෙන් තහවුරු කළ ප්‍රජාතන්ත්‍රවාදයට තර්ජන එල්ල වෙමින් පවතින බව අග්‍රාමාත්‍යවරයා අනතුරු අඟවා තිබේ.
එබැවින් ප්‍රජාතන්ත්‍රවාදය ආරක්ෂා කර ගැනීමට නව ජාතික සන්ධානයක් ගොඩනගන බව අගමැති රනිල් වික්‍රමසිංහ 23 සෙනසුරාදා ත්‍රිකුණාමලය තඹලගමුව ගල්මැටියාන පුරාණ රජමහා විහාරයේ පැවති ආගමික වැඩසටහනකදී කියා සිටියේය.
රටේ ආණ්ඩුක්‍රම ව්‍යවස්ථාව උල්ලංඝණය කරමින් කටයුතු කිරීම ප්‍රභාකරන්ගේ කටයුතු වලට සමාන බව පෙන්වා දෙන අගමැතිවරයා සිංහල ප්‍රභාකරන්ගේ ක්‍රමයට එකඟවනවාද ප්‍රජාතන්ත්‍රවාදය ආරක්ෂා කරනවාද යන්න පිළිබද ජනතාව අවධානය යොමු කල යුතුව ඇති බවයි අවධාරණය කරන්නේ.
ආණ්ඩුක්‍රම ව්‍යවස්ථාවේ 19 වන සංශෝධනය ඇති කලේ බුදුරජාණන් වහන්සේ ලිච්ඡවි රජ දරුවන්ට දේශනා කළ බුද්ධ දේශණයට පදනම්ව බවද අග්‍රාමාත්‍යවරයා ප්‍රකාශ කළේය.
ඒ අනුව 19 වන ආණ්ඩුක්‍රම ව්‍යවස්ථා සංශෝධනය යටතේ නීතිය රාජ්‍ය, සේවය, පොලිසිය හා අධිකරණය යන අංශ පවුල්වාදයට යටකර තිබීමෙන් මුදවා ගැනීමට හැකියාව ඇති බවයි හෙතෙම පෙන්වා දුන්නේ.
කවුරුන් රට පාලනය කලද ඔවුන් නීතියට අනුව ක්‍රියාකල යුතු බවත් අධිකරණයට පහර ගැසීම නතර කල යුතු බව අග්‍රාමාත්‍ය රනිල් වික්‍රමසිංහ මෙහිදී වැඩිදුරටත් අවධාරණය කරන ලදී.
Facebook Comments
