“රහස් පොලිසියෙන්” යාපනයේ මාධ්‍යවේදියකුට මරණ තර්ජන

0
ඡායා - ෂෙහාන් ගුණසේකර

යාපනයේ නිදහස් මාධ්‍යවේදියෙකුට රහස් පොලිසියෙන් යැයි හඳුන්වා දුන් පිරිසක් විසින් මරණ තර්ජනය කර තිබේ.

තමන් මරා දමන බවට ජිවරංග නැමැති පුද්ගලයා සමඟ රහස් පොලිසියෙන් යැයි හඳුන්වා දුන් තවත් පුද්ගලයන් දෙදෙනෙකු තර්ජනය කළේ යයි වසන්ත රූබන් මාධ්‍යවේදීයා පොලිසියට පැමිණිලි කර තිබේ.

ජීවරංග නැමැති පුද්ගලයා විසින් තරුණයකුට පහර දීම පිළිබඳව වාර්තා කරන ලද පුවත ඉවත් කරන ලෙස බලකරමින් මෙසේ තමන් හට තර්ජනය කළ බව මාධ්‍යවේදී වසන්ත රූබන් සිලෝන් නිවුස් හා කියා සිටියේය.

“මම උදේ 7.30 විතර කෝවිල යද්දි ජීවරංගයි තව දෙන්නෙකුයි ආවා. ඒ අය කිව්වවෙ ඒ අය සී අයි ඩී කියලා. ඒ අය ළඟ තුවක්කු තිබුණා. ජීවරංග ගැන දාපු නිවුස් එක අයින් කලේ නැත්නම් ආවා කල්ලියට කියල මාව මරණව කියලා තර්ජනය කළා,” යැයි මාධ්‍යවේදියා පවසයි.

කෙසේ වෙතත් සිද්ධිය පිළිබඳව කෝපයි පොලිසියට 13 බදාදා පැමිණිලි කරන ලද බව මාධ්‍යවේදී වසන්ත රූබන් සිලෝන් නිවුස් හා වැඩි දුරටත් කියා සිටියේය.

Facebook Comments

wedding people