මන්නාරම සතොස සමුහ මිනී වලෙන් මිනිසුන්ගේ බවට හඳුනාගත හැකි ඇටසැකිලි කිහිපයක් සොයා ගෙන තිබේ.
ජුනි මස 12 සහ 13 දින වල කරන ලද කැණීම් වලින් අවම වශයෙන් මිනිසුන් තිදෙනකුගේ බවට පෙනෙන ඇටසැකලි සොයා ගැනීමට කැණිම් නිලධාරින් සමත් වු බවයි වාර්තාකරුවන් පවසන්නේ.
මන්නාරම ප්‍රධාන අධිකරණ වෛද්‍ය නිලධාරී සමින්ද රාජපක්ෂ සහ කැළණිය පුරාවිද්‍යා පශ්චාත් උපාධි ආයතනයේ ප්‍රධානී මහාචාර්ය රාජ් සෝමදේව විසින් මන්නාරම දිසා විනිසුරු එම් එම් ඇලෙක්ස්රාජා ගේ නියෝගය පරිදි කැනීම් සිදු කරනු ලබයි.
අතුරුදහන් කරවුවන් වධ හිංසාවට ලක් කොට මරා දමා මෙම ස්ථානයේ වල දමන්නට ඇති බවටයි අතුරුදහන් කරවුවන්ගේ ඥාතීන් සැක පළ කරන්නේ.
සතොස භූමියේ නව ඉදිකිරීම් කටයුතු ආරම්භ කරද්දී මුලින්ම මිනිස් ඇටකැබලි හමුවූයේ මැයි 16 දා වන අතර මීට පෙර සමූහ මිනී වලෙන් හිස් කබල්, හකු පාඩා සහ වෙනත් අස්ථි කැබලි හමුවී තිබුනි.
Facebook Comments
