මේ සති අන්තයේ පැවැත්වෙන ජනාධිපතිවරණයෙන් පරාජය වුවහොත් පොහොට්ටු පක්ෂයේ අපේක්ෂකයා සහ එහි නිර්මාතෘවරයා සිය වාසභූමිය ලෙස තෝරාගෙන තිබෙන ඇමරිකා එක්සත් ජනපදය බලා පෙරලා යාමට සැලසුම් කර තිබේ.
යම් හෙයකින් ජනාධිපතිවරණය පරාජයට පත්වුවහොත් ඇමරිකාව බලා යාමේ අපේක්ෂාව පලකළ බැසිල් රාජපක්ෂ 13 බදාදා පැවති මාධ්‍ය හමුවකදී පවසා ඇත්තේ අධිකරණය ඊට සීමා පනවා ඇති බවයි.
ඔහුට ශ්‍රී ලංකාවේ නඩු පැවරී ඇති අතර ඔහුගේ සහෝදරයාට උපන් රටේ මෙන්ම තෝරාගත් රටේත් නඩු වැටී තිබේ.
“ඔව් මට යන්න අවසර දුන්නොත් හැබැයි යන්න දෙන්නෙ නෑ උසාවියෙන් අවසර ගන්න ඕනේ. මටත් එහෙමයි ගෝඨාභය සර්ටත් එහෙමයි,” යනුවෙන් මාධ්‍යවේදියකු ඇසු ප්‍රශ්නයකට පිලිතුරු දෙමින් බැසිල් රාජපක්ෂ කියා සිටියේය.
මැතිවරණයට පසුදා එක්සත් ජනපදය බලා යාමට ගෝඨාභය රාජපක්ෂ නමට නිකුත් කළ ගුවන් ටිකට් පතක් ලෙස සමාජ මාධ්‍ය ජාල වල පලවී ඇත්තේ ව්‍යාජ ඡායාරුපයක් බව පොහොට්ටු ප්‍රකාශකයෝ පවසති.
Facebook Comments
