වත්කම් හා බැරකම් ප්‍රකාශ නිසිලෙස ඉදිරිපත් නොකළ බවට චෝදනා එල්ල වී ඇති හිටපු ජනාධිපති මහින්ද රාජපක්ෂගේ ආරක්ෂක ප්‍රධානීයා ලෙස කටයුතු කරන මේජර් නෙවිල් වන්නිආරච්චි ඇප මත මුදාහැරීමට කොළඹ මහේස්ත්‍රාත් අධිකරණය නියෝග කර තිබේ.
අල්ලස් කොමිසම විසින් පැවරූ නඩු 5කට අදාළව අද (28) මෙසේ මේජර් නෙවිල් වන්නිආරච්චි හට ඇප ලබා දී ඇත.
මෙම නඩුවලට අදාළව නිකුත් කර තිබූ නොතීසියකට අනුව නෙවිල් වන්නිආරච්චි අද කොළඹ මහේස්ත්‍රාත් අධිකරණය හමුවේ පෙනී සිට තිබේ.
ඔහු රුපියල් දස දහසක මුදල් ඇපයක් සහ රුපියල් ලක්ෂ 10 බැගින් වු ශරීර ඇප දෙකක් මත මුදාහැරීමට කොළඹ ප්‍රධාන මහේස්ත්‍රාත් ගිහාන් පිලපිටිය නියෝග කළේය.
නඩු යළි ලබන වසරේ ජනවාරි මස 13 වැනිදා විභාගයට ගැනීමට නියමිතය.
Facebook Comments
