යහපාලන රාජයේ වංචා දුෂණ හොයන කොමිමේ කාලය දික් වෙයි

යහපාලන රජය පැවති සමයේ රාජ්‍ය ආයතනවල සිදුවී ඇතැයි පැවසෙන වංචා දූෂණ,සම්බන්ධයෙන් සොයා බැලීමට පත් කළ ජනාධිපති කොමිසමට පැමිණිලි භාර ගැනීම ලබන 19 වන දා දක්වා දිර්ඝ කර තිබේ.

කොමිසමට පැමිණීලි භාර ගැනීම මාර්තු 14 වන දායින් අවසන් කිරීමට පසුගිය 7 වනදා දින නියම කර තිබුණි.

මේ වනවිට එම කොමිසමට ලැබී ඇති පැමිණිලි සංඛ්‍යාව 742 කි.

එම පැමිණිළි අතරින් 300කට අධික සංඛ්‍යාවක් රජයේ ආයතනවල සිදුවූ බව කියන අක්‍රමිකතා සම්බන්ධයෙන් ලැබී ඇත.

ඒ අතරින් පැමිණිලි 18 ක් මූලික විමර්ශනය සඳහා විශේෂ පොලිස් ඒකකයට භාර දී ඇතැයි ජනාධිපති පරීක්ෂණ කොමිෂන් සභාව සඳහන් කරයි.

පැමිණිළි කරන්න

කොමිසමට ඉදිරිපත් කරන ලිඛිත පැමිණිලි හෝ තොරතුරු සිංහල, දෙමළ හෝ ඉංග්‍රීසි භාෂාවෙන්, ඉදිරිපත් කළ හැක.

ලේකම්, රාජ්‍ය ආයතනවල සිදුවී ඇතැයි කියන වංචා දූෂණ සොයා බැලීමේ ජනාධිපති කොමිෂන් සභාව, කාමර අංක 210, බ්ලොක් 02 දෙවැනි මහල, බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාව, බෞද්ධාලෝක මාවත, කොළඹ 7 යන ලිපිනයට ඒවා යොමු කළ හැකියි.

0112 66 53 82 යන දුරකථන අංකය ඇමතීමෙන් ඒ පිළිබඳව වාචික තොරතුරු ඉදිරිපත් කළ හැකි බව රාජ්‍ය ආයතනවල සිදු වී ඇතැයි කියන වංචා දූෂණ සොයා බැලීමේ ජනාධිපති කොමිෂන් සභාව වැඩිදුරටත් සදහන් කරයි.

කොමිෂමේ පළමු අතුරු වාර්තාව මාස 03 ක් ඇතුළතත්, නිගමනයන් හා නිර්දේශයන් ඇතුළත් අවසන් වාර්තාව මාස 06 ක් ඇතුළත ජනාධිපති මෛතී‍්‍රපාල සිරිසේන වෙත බාර දීමට නියමිතව ඇත.