ගෝඨා රහස් පොලිසියට: අල්ලන්න බැරි තහනම දිගටම

0

හිටපු ආරක්ෂක ලේකම් ගෝඨාභය රාජපක්ෂ අත්අඩංගුවට ගැනීම වළක්වාලමින් දැනට පනවා තිබෙන තහනම් නියෝගයක් ඉදිරියටත් බලාත්මක කල අභියාචනාධිකරණය ඔහුට එරෙහි චෝදනා සම්බන්ධව රහස් පොලිසියට ප්‍රකාශයක් ලබා දෙන ලෙසට නියෝග කර තිබේ.

මැදමුලන ඩී ඒ රාජපක්ෂ පිළිරුව ඉදිකිරීමේදී මුල්‍යම වංචාවක් සිදු කිරීමේ සිද්ධියට අදාලව ජුනි 25 වන දින රහස් පොලිසිය හමුවේ පෙනී සිටිමින් ප්‍රකාශයක් ලබා දෙන ලෙස 14 බ්‍රහස්පතින්දා තමන්ව අත්අඩංගුවට ගැනීම වැළැක්වීමේ නියෝගයක් නිකුත් කරන මෙන් ඉල්ලා හිටපු ආරක්ෂක ලේකම් ගෝඨාභය රාජපක්ෂ විසින් ඉදිරිපත් කළ පෙත්සමක් විභාගයට ගත් අවස්ථාවේදී අභියාචනාධිකරණය සභාපති විනිසුරු ප්‍රීති පද්මන් සූරසේන සහ අර්ජුන ඔබේසේකර යන විනිසුරු මඩුල්ල නියෝග කළේය.

එමෙන්ම අදාළ සිද්ධිය සම්බන්ධයෙන් පොලිස් මූල්‍ය අපරාධ විමර්ශන කොට්ඨාශය මඟින් පොදු දේපල පනත යටතේ කොළඹ මහේස්ත්‍රාත් අධිකරණය හමුවේ ගොනුකර ඇති සහතිකය ගෝඨාභය රාජපක්ෂ සම්බන්ධයෙන් අදාළ කර නොගන්නා ලෙස ද අධිකරණය නියම කර සිටියේය.

එකඟතාවක්

පෙත්සව කැඳවු අවස්ථාවේදී පෙත්සම්කාර පාර්ශවය සහ නීතිපතිවරයා අතර එකඟතාවන් කිහිපයක් ඇති කරගෙන තිබූ අතර ඒවා ලිඛිතව අධිකරණය හමුවේ සටන් කර ගැනීම සිදු කෙරුණි.

ඒ අනුව පෙත්සම්කාර ගෝඨාභය රාජපක්ෂ සම්බන්ධයෙන් පොදු දේපල පනත යටතේ තවදුරටත් සහතික මහේස්ත්‍රාත් අධිකරණය වෙත ඉදිරිපත් නොකරන බව ද නීතිපතිවරයා වෙනුවෙන් පෙනී සිටි නියෝජ්‍ය සොලිස්ටර් ජනරාල් විරාජ් දයාරත්න අධිකරණයට දන්වා සිටියේය.

හිටපු ආරක්ෂක ලේකම් ගෝඨාභය රාජපක්ෂ මහතා අභියාචනාධිකරණය හමුවේ කියා සිටින්නේ මැදමුලන ඩී.ඒ. රාජපක්ෂ අනුස්මරණ කෞතුකාගාරය ඉදිකිරීමේ දී රජයේ මුදල් රුපියල් මිලියන 90 කට ආසන්න මුදලක් සාවද්‍ය ලෙස පරිහරණය කළ බවට චෝදනා එල්ල වී තිබේ.

මේ අතර ගෝඨාභය රාජපක්ෂට එරෙහිව අධිකරණයේ ගොණු කර ඇති නඩු කිහිපයකින්ම පසුගිය කාලයේදී විනිසුරන් ඉවත් විය.

පෙත්සම ජුලි මස 25 වනදා යළි කැඳවීමට අභියාචනාධිකරණ විනිසුරුවරුන් තීන්දු කර තිබේ.

Facebook Comments

wedding people