මළවුන් සැමරීම නිසා අත්අඩංගුවට ගෙන හත් මසකට ආසන්න කාලයක් රිමාන්ඩ් භාරයේ රදවා සිටි කාන්තාවන් ඇතුළු දෙමළ දසදෙනකු ඇප මත නිදහස් කිරීමට අධිකරණය නියෝග කොට තිබේ.
දොළොස්වැනි මුල්ලිවයික්කාල් සමරුව යෙදුනු 2021 මැයි 18 වැනිදා මඩකලපුවේ කිරාන් වෙරළ තීරයේ අනුස්මරණයක් පැවැත්වූ එම පිරිස කල්කුඩා පොලිසිය විසින් පසුදා අත් අඩංගුවට ගන්නා ලදී.
දෙසැම්බර් 6 වැනි සඳුදා නඩුව කැදවු අවස්ථාවේ වාලච්චේන දිසා මහේස්ත්‍රාත් අධිකරණය විනිසුරු එම්.එච්.එම් ෆසීල් නියෝග කර තිබුනේ එම සැකකරුවන් දෙසැම්බර් 20 වැනිදා තෙක් තවදුරටත් රිමාන්ඩ් භාරයේ තබන ලෙසයි.
පළාත් බද වාර්තාකරුවන් පවසන්නේ නීතිඥ සුගාස් කනග රත්නම් විසින් ගොනු කළ මෝසමකට අනුව අද දිනයේ නඩුව යළි කැදවු අතර ඔහු විසින් ඉදිරිපත් කළ ඇප ඉල්ලීම පිලිගත් විනිසුරුවරයා සැකකරුවන් දහ දෙනා ඇප මත නිදහස් කිරීමට නියෝග කළ බවයි.
සැකකරුවන් නිදහස් කරගැනීම සදහා සහාය වු නීතිඥයන්ට ස්තුතිය පුද කරමින් නීතිඥ සුගාස් කනග රත්නම් මාධ්‍යවේදීන් සමග පවසා ඇත්තේ මෙය නීතිය ලැබු විශාල ජයග්‍රහනයක් බවයි.
Facebook Comments
