බහුතර පාර්ශවයන් මේ වන විට ඒකීය ශ්‍රී ලංකාවක් තුළ බලය බෙදීම සම්බන්ධයෙන් එකඟත්වයකට පැමිණ ඇති බව පවසන අගමැතිවරයා රට නොබෙදා බලය බෙදීම සිදු කරන බව යාපනයේදී ප්‍රකාශ කර තිබේ.
ඒකීය යන වචනයෙන් අර්ථ නිරූපණය විය යුත්තේ එක රටක් යන්න බව ද අගමැති රනිල් වික්‍රමසිංහ කියා සිටියේය.
ව්‍යවස්ථා ප්‍රතිසංස්කරණ පිළිබඳ අවසන් තීන්දුව ගැනීමේ බලය ඇත්තේ පාර්ලිමේන්තුව හා ජනතාව වෙත පැවරී ඇති බැවින් බහුතර ජනතාවගේ එකඟත්වය ලබා ගනිමින් ව්‍යවස්ථා ප්‍රතිසංස්කරණ කාර්යය ඉදිරියට ගෙන යා යුතු බව අගමැතිවරයා යාපනය උදයන් පුවත්පත් කර්තෘ මණ්ඩල සාමාජිකයන් සමඟ සාකච්ඡාවක දී පවසා ඇත.
ජනාධිපතිවරණය ජය ගැනීමෙන් පසුව ව්‍යවස්ථා ප්‍රතිසංස්කරණ ඉදිරියට ගෙන යන්නේ දැයි කළ ප්‍රශ්න කිරිමට පිළිතුරු දෙමින් ව්‍යවස්ථා ප්‍රතිසංස්කරණ පමණක් නොව, ආර්ථික හා සමාජයීය ප්‍රතිසංස්කරණ ඉදිරියට ගෙන යාමටද පියවර ගන්නා බවට අගමැති රනිල් වික්‍රමසිංහ පැවසු බව අගමැති මාධ්‍ය ඒකකය සඳහන් කරයි.
සුළුතර ආණ්ඩුවක් සහිතව තමන් ජනතාවට දිනා දුන් ජයග්‍රහණ තව තවත් ශක්තිමත් කර, තහවුරු කළ හැක්කේ බහුතර ආණ්ඩුවක් ඔස්සේ බවද අගමැතිවරයා වැඩි දුරටත් කියා තිබේ.
Facebook Comments
