ගෝඨාභය ට පවුලේ ඡන්දත් නෑ (VIDEO)

0
ඡායා -රොෂාන් චතුරංග

පොහොට්ටු පක්ෂයේ ජනාධිපති අපේක්ෂකයා හට ඔහුගේ පවුලේ උදවියවත් ජන්දය ලබා දිය නොහැකි බව සුව ඇමැතිවරයා අනාවරණය කර තිබේ.

ගෝඨාභය රාජපක්ෂගේ බිරිඳ හා පුතනුවන් ඇමරිකානු පුරවැසියන් වීම හේතුවෙන් ඔවුන්ට මෙරට ඡන්දය භාවිතා කිරිමේ හැකියාවක් නොමැති බවයි රාජිත සේනාරත්න අමාත්‍යවරයා පෙන්වා දෙන්නේ.

“එයා ඇමරිකාවේ දී දිවුරුම් දීලා තිබෙනවා “දෙවියන් ඉදිරියේ ඇමරිකානු ජන රජය වෙනුවෙන් සටන් වැද මිය යාමට මා පොරොන්දු වෙන්නෙමි” කියලා. එහෙමයි ඇමරිකානු පුරවැසිකම ගත්තේ. නොමිනේෂන් එනකොට තමයි එයාට ලංකාවේ පුරවැසිකම ගන්න මතක් වුණේ. එයාගේ නෝනා, පුතා තාම ඇමරිකානු පුරවැසියන්. එම නිසා නෝනට ඡන්දේ දෙන්න බෑ තමන්ගේ ස්වාමිපුරුෂයාට. පුතාට තමන්ගේ තාත්තට ඡන්දය දෙන්න බැහැ.”

මෙරට ආරක්ෂක ලේකම් ධුරය දරන සමයේ පවා ඔහු ඇමරිකානු පුරවැසියෙක් බවත් ඔහු ශ්‍රී ලංකාවේ පුරවැසි භාවය ලබා ගත්තේ ජනාධිපතිවරණයට ඉදිරිපත් වීමට අවශ්‍ය නිසා බව ද අමාත්‍ය රාජිත සේනරත්න අනුරාධපුරයේ පැවති ජන හමුවක දී වැඩි දුරටත් කියා සිටියේය.

Facebook Comments

wedding people