සාකච්ඡා පොරොන්දුව කඩ කර ජනපති අතුරුදහන් ඥාතින් මඟ හැර යයි (VIDEO)

0
1154
Ivory Agency Sri Lanka
wedding people
Loading...

විරෝධතවයේ නිරතව සිටින තමන් සමඟ සාකච්ඡාවට සුදානම් බව පවසා එය මඟ හැර ජනාධිපතිවරයා පළා ගිය බවට අතුරුදහන් වුවන්ගේ ඥාතීහු චෝදනා කරති.

යාපනයේ ශාන්ත පැට්‍රික් විද්‍යාලයේ ගොඩනැඟිල්ලක් විවෘත කිරීමට ජනපති පැමිණෙන මඟ විරෝධතාවයේ නිරතව සිටි අතුරුදහන් වුවන්ගේ ඥාතීන් සමඟ සාකච්ඡා කිරිමට ජනාධිපති මෛත්‍රීපාල සිරිසේන ආරාධනා කළ බව විරෝධතාවය පැවති ස්ථානයට පැමිණි උසස් පොලිස් නිලධාරියකු දැනුම් දී තිබේ.

ජනාධිපතිවරයා සමඟ සාකච්ඡාවට යැයි පවසා විරෝධතාවයේ නිරත තමන් ඇතුළු කිහිප දෙනකු උත්සවය පැවැත්වෙන ස්ථානයට කැඳවා ගෙන ගියද ජනාධිපතිවරයා තමන් මඟ හැර ගිය බවටයි මාරිමුත්තු සතිවේල් පියතුමා පවසන්නේ.

“අපිව ජනාධිපතිතුමා එක්ක සාකච්ඡාවකට කියල එක්කන් ගියා. ඒත් එතුමා රැස්වීම ඉවර වෙලා අපිව මඟ හැරල ගියා මේක සමස්ත දෙමළ ජනතාවම රැවටිමක්,” යි සතිවේල් පියතුමා සිලෝන් ජර්නල්ස් හා කියා සිටියේය.

උතුරේ යුද්ධය අවසන් භාගයේදී අතුරුදහන් කරවන ලද යාපනයේ ශාන්ත පැට්‍රික් විද්‍යාලයේ හිටපු විදුහල්පති ෆ්‍රැන්සිස් ජෝශප් පියතුමා ඇතුළු සමස්ත අතුරුදහන් වුවන්ගේ ඉරණම හෙළි කරන ලෙස බල කරමින් 19 සඳුදා ජනපති මෛත්‍රීපාල සිරිසේන යාපනයට පැමිණිමට විරෝධය පල කරමින් උද්ඝෝෂණය පැවැත්වුණි.

යුද්ධයේ අවසන් කාල සීමාවේදී ශ්‍රී ලංකා යුද හමුදාවට බාර වූ එල්ටීටීඊ සාමාජික සාමාජිකාවන් ඇතුළු සිවිල් වැසියන් පිරිසකගේ වගකීම බාර ගත් ෆ්‍රැන්සිස් ජෝශප් පියතුමා සහ එම පිරිස බස් රථයක නංවා රැගෙන යෑමෙන් පසු ආගිය අතක් නැති අතර ඔවුන්ගේ ඉරණම මෙතෙක් රජය විසින් හෙළි කර නොමැත.

Facebook Comments

Loading...