දෙමළ දේශපාලන සිරකරුවන් නිදහස් කිරීමට ගෝටා එකඟයි

0
596

බලයට පත්වී දෙමළ දේශපාලන සිරකරුවන් සියලු දෙනා නිදහස් කිරීමට රාජපක්ෂවරුන් කැමැත්ත පළ කළ බව උතුරේ හිටපු ආණ්ඩුකාරවරයෙකු යාපනයේදී ප්‍රකාශ කර තිබේ.

ඉදිරි ජනාධිපතිවරණයේදී දෙමළ ජනයාගේ ජන්දය ලබා ගැනිමේ අපේක්ෂාවෙන් තමන් කරන ලද ඉල්ලීමකට අනුව ගෝඨාභය රාජපක්ෂ හා මහින්ද රාජපක්ෂ ඊට එකඟ වු බවයි රෙජිනෝල්ඩ් කුරේ පවසන්නේ.

“දෙමළ ජනතාවගේ විශේෂිත ඉල්ල්ලීමක් වන දෙමළ දේශපාලන සිරකරුවෝ නිදහස් කරන්න කියලා මම ගෝඨාභය රාජපක්ෂගෙනුත්, මහින්ද රාජපක්ෂ මැතිතුමාගෙනුත් උතුරට එන්න ඉස්සර ඉල්ලීමක් කළා. ඒ අය අවරුදු දහයකටත් වැඩි කාලයක් තිස්සේ හිරේ ඉන්න නිසා දැන් වරදක් කළත් ඒකට ලැබෙන්න ඕන දඬුවම ලැබිලා නිසා නිදහස් කරන බව එතුමන්ලා ප්‍රකාශ කළා.”

උතුරේ ගම්මාන මැද පිහිටුවා තිබෙන හමුදා කඳවුරු ඉවත් කිරිමට ද රාජපක්ෂ සොහොයුරන් කැමැත්ත පළ කළ බව නාමල් රාජපක්ෂද එක්ව සිටි වවුනියාව දිස්ත්‍රික් නියෝජිත සම්මේලනය අමතමින් ශ්‍රී ලංකා පොදුජන පෙරමුණේ ජනාධිපති අපේක්ෂකයාගේ ප්‍රබල ආධාරකරුවකු වන උතුරේ හිටපු ආණ්ඩුකාරයා කියා සිටියේය.

අතුරුදහන් වුවන් නැවත සොයා දිය නොහැකි හෙයින් එම පවුල් වලට ඉඩම්, නිවාස සහ රැකියා ලබා දීමටත් මහින්ද සහ ගෝඨාභය සහෝදර දෙපළ තමන් හා සහතික වූ බව හිටපු ආණ්ඩුකාර රෙජිනෝල්ඩ් කුරේ වැඩි දුරටත් දැනුම් දුන්නේය.

Facebook Comments

wedding people