ගෝඨාභය හිරේ යාමෙන් බේරා ගත්තේ යහපාලන අධිකරණ ඇමැති (VIDEO)

0
629
Ivory Agency Sri Lanka
wedding people

ආණ්ඩුවේ සිටිමින් රාජපක්ෂවරුන් ආරක්ෂා කළ බව නැගුන චෝදනා යහපාලන රජයේ හිටපු අධිකරණ ඇමැතිවරයා විසින් ප්‍රසිද්ධියේ පිළිගෙන තිබේ.

ත්‍රස්තවාදය වැළැක්විමේ පනත යොදා ගනිමින් ගෝඨාභය රාජපක්ෂ අත්අඩංගුවට ගැනීමේ උත්සාහය තමන් විසින් වැළැක්වු බව ව්‍යවස්ථා විරෝධි ලෙස මහින්ද රාජපක්ෂ අගමැති ධුරයට පත් කිරිමට ගත් උත්සාහයට සහාය දීම නිසා එක්සත් ජාතික පක්ෂ සාමාජිකත්වය අහිමි වු විජේදාස රාජපක්ෂ මන්ත්‍රීවරයා පොහොට්ටු අපේක්ෂකයාට එක්වු බවට දැනුම් දීමට 18 සිකුරාදා කැඳවු මාධ්‍ය හමුවක දී කියා සිටියේය.

ගෝඨාභය රාජපක්ෂ අත් අඩංගුවට ගැනීමට යාම පළිගැනීමක් ලෙස හැඳින්වු මන්ත්‍රීවරයා එය වැළැක්වීම සඳහා ජනපති අගමැති දෙපල සහාය දුන් බව ද සඳහන් කළේය.

“එදා ආරක්ෂක ලේකම් විදියට වැඩ කරපු ගෝඨාභය රාජපක්ෂ මැතිතුමා අත් අඩංගුවට ගන්න ලිපියක් නීතිපති දෙපාර්තුමේන්තුවෙන් නිකුත් කළා. ඒක ඉන් එහාට යන එක නතර කරන්නත් මම කටයුතු කළා. ඒක හොර රහසේ කරපු දෙයක් නෙමෙයි ඒක මම කැබිනට් එකේදි කිව්වා, පාර්ලිමේන්තුවෙදි කිව්වා, මාධ්‍යයට ඇවිත් කිව්වා.”

ඇවන්ට්ගාඩි ආයතන සම්බන්ධ නඩුවට පොහොට්ටු පක්ෂයේ ජනාධිපති අපේක්ෂකයා එසේ අත් අඩංගුවට ගැනීමට උත්සාහා දරන ලද කී විජේදාස රාජපක්ෂ මන්ත්‍රීවරයා ආණ්ඩුවේ ඇමැතිවරයකුගේ අවශ්‍යතාවයකට එසේ කිරිමට උත්සාහ දරන ලද බවට චෝදනා කළේය.

මහින්ද රාජපක්ෂ පාලන සමයේ අපරාධ සිදු කල බවට චෝදනාවට ලක්ව ඇති ප්‍රබලයන්ට නීතිය ක්‍රියාත්මක කිරිමට එකල අධිකරනය ඇමැතිවරයා වී විජේදාස රාජපක්ෂ බාධා පමුණුවන බව ඔහු නියෝජනය කළ එක්සත් ජාතික පක්ෂ මැති ඇමැතිවරුන්ගෙන්ම චෝදනා එල්ල වී තිබුනි.

Facebook Comments