ඇඹිලිපිටිය හිටපු ASP නැවත සේවයට

0

ඇඹිලිපිටියේ සුමිත් ප්‍රසන්න නමැති තරුණයා ඝාතනයේ සැකකරුවෙකු වන හිටපු සහකාර පොලිස් අධිකාරී ඩී.ඩබ්ලිව්. චමින්ද ධර්මරත්නගේ වැඩ තහනම ඉවත් කර ඇති බව ජාතික පොලිස් කොමිසම පවසනවා.

ජාතික පොලිස් කොමිසම පැවසුවේ ඒ අනුව ඔහු කි‍්‍රයාකාරී නොවන පොලිස් කොට්ඨාසයක සේවය කිරීම සඳහා අනුයුක්ත කර ඇති බවයි.

ඔහුට තනතුරක් හෝ උසස් වීමක් ලබා නොදීමට ද තීරණය කර තිබෙන බවත් නමුත් ඔහුගේ සහකාර පොලිස් අධිකාරී නිලය අහිමි නොවනු ඇති බවට ජාතික පොලිස් කොමිසමේ ප්‍රකාශකයෙකු මාධ්‍ය වෙත ප්‍රතාශකර ඇත.

ඇඹිලිපිටිය මහඇල ප්‍රදේශයේ පැවති සාදයක් අතරතුර පොලිසිය සමග ඇති වූ ගැටුමකින් පසුව සුමිත් ප්‍රසන්න නමැති තරුණයා සිද්ධිය සම්බන්ධයෙන් අත්අඩංගුවට ගෙන රක්ෂිත බන්ධනාගාර ගතකර සිටි ඇඹිලිපිටිය හිටපු සහකාර පොලිස් අධිකාරී ඞී.ඩබ්ලිව්. චමින්ද ධර්මරත්න පසුගිය ජුනි මස 2 වන දා ඇපමත මුදා හැරුණි.

Facebook Comments

wedding people