පෙළපාලි වලින් තම දැක්ම හා ධර්මය සමාජ ගත කිරීමේ ක්‍රියාව මුලින්ම කියා දුන්නේ බුදුන් සහ සංඝයා වහන්සේලා බැවින් මැයි දිනයේ පෙළපාලි පැවැත්වීම සිදු වන්නේද බුදුන්ගේ ක්‍රමයට බව නව සම සමාජ පක්ෂයේ නායකයා පවසයි.
ලෝක කම්කරු දිනය සමග යෙදී තිබෙන වෙසක් සතිය සැලකිල්ලට ගනිමින් මැයි පෙළපාලි කල් දැමීමට බෞද්ධ භික්ෂුන් කරන ලද ඉල්ලීමට අනුව මැයි පෙළපාලි පැවැත්වීම මැයි 07 වනදා සිදු කිරීමට ජනාධිපතිවරයා කැබිනට් මණ්ඩලයට යෝජනා කර සමිමත කර තිබුණ අතර ඒ සම්බන්ධව අගමැතිවරයාට ලිපියක් යොමු කරමින් ආචාර්ය වික්‍රමබාහු කරුණාරත්න මේ බව කියා සිටි.
නූතන බටහිර ලෝකයට ලැබුණ මැයි දිනය තුළින් මේ සම්ප‍්‍රදාය යලි කියවීමක් සිදු වනවා මිස අලුත් දෙයක් නොවන බව පෙන්වා දෙන ආචාර්ය බාහු “අපගේ මැයි පෙලපාලි ජාතිවාදයට, අගතියට, සූරාකෑමට විරුද්ධව ගෙනයන දහම් හඬක් මිස අන් දෙයක් නොවේ. මේ නිසා අපගේ පෙලපාලි බුදුන් උපන් දිනයේ ඉවත් කිරීමට කරන යෝජනාව එතුමන් හට කරන අපහාසයක් ලෙස දකිමු.” යි සිය අත්සනින් යුතුව යොමු කල ලිපියේ දක්වා තිබේ
මහතෙරුන් වහන්සේලාගේ ඉල්ලීම මැයි දින ගැන කරුණු අනවබෝධයෙන් කළ දෙයක් ලෙසට හඳුන්වා දෙන නව සම සමාජ පක්ෂ නායකයා පෙළපාලිය හා පෙරහැර බුදු මතය, දැක්ම හා ධර්මය සමාජ ගත කිරීමේ ක්‍රියාව මුලින් ලොවට හඳුන්වා දෙනු ලැබුනේ බුදුන් වහන්සේ බව අවධාරණය කරයි.
මැයි දිනයේ පෙළපාලි නැවත්වීමට, පෙර රජයන් ක‍්‍රියා කළ සැම විටකම එය නොතකා පෙළපාලි ගිය බව මෙන්ම ඉන් විශාල ගැටුම් ඇති වූ බව ද නව සම සමාජ පක්ෂයේ නායක ආචාර්ය වික්‍රමබාහු කරුණාරත්න අගමැති රනිල් වික්‍රමසිංහ හට සිහිපත් කර දී තිබේ.
මහතෙරුන් වහන්සේලාගේ වැරදි වැටහීම ඉවත් කිරීමට මැදහත් වන ලෙසට සහ නීතියෙන් නිර්ධනයන් ලැබූ අයිතිය රැක දීමට මැදිහත් වන ලෙස ආචාර්ය වික්‍රමබාහු කරුණාරත්න අගමැතිවරයාගෙන් වැඩි දුරටත් ඉල්ලා ඇත.
Facebook Comments
