බොරැල්ල සියලු සාන්තුවරයන්ගේ දේවස්ථානයේ තිබී අත්බෝම්බයක් හමුවීමේ සිද්ධියට අදාළව අත්අඩංගුවේ හා රැඳවුම් භාරයේ සිටින සැකකරුවන් 04 දෙනා අතුරින් 03 දෙනෙකු වහාම නිදහස් කරන ලෙස අධිකරණය නියෝග කර තිබේ.
නීතිපතිවරයා වෙනුවෙන් පෙනී සිටි ජ්යෙෂ්ඨ නියෝජ්ය සොලිසිටර් ජනරාල් දිලීප පීරිස් අධිකරණයට දන්වා සිටියේ මෙම 03 දෙනා අපරාධයට සම්බන්ධ යැයි තොරතුරු වාර්තා වී නොමැති බවයි.
ඒ අනුව එම පුද්ගලයින් නිදහස් කිරිමට කොළඹ අතිරේක මහේස්ත්රාත් රජින්ද්රා ජයසූරිය කියෝග කළාය.
මේ අතර සිද්ධියට අදාළව කොළඹ අපරාධ කොට්ඨාශය විසින් සිදුකරන විමර්ශන සම්බන්ධයෙන් තමන් සෑහීමකට පත් නොවන බව ද කොළඹ අතිරේක මහේස්ත්රාත් රජින්ද්රා ජයසූරිය විවෘත අධිකරණයේදී පවසා ඇත.
නඩුව වැඩිදුර විභාගය ලබන 09 වනදා සිදුකිරීමට නියමිතයි.